حبيبتي Islam ... اولا خلينا نتفق انك تنسين كلمة فاشله ...فعدم قدرتك على لعب دور معين او
عدم معرفتك السابقة بطريقه لعب دور معين لا يعني انك فاشله .. ثقي بنفسك حبيبتي ..
وبعدين اتمنى اتمنى اتمنى انك تاخذين الكلام اللي بقول لك بجديه اكثر ... فلا تعتبرينها فلسفه ولكن
نصيحه ستساعدك بإذن الله ان تغيري من نفسك ... فالواضح عزيزتي انك لازم تركزين على نفسك حاليا
انتي عزيزتي اعترفتي انك من نفسك دفنتي كل شيء حلو فيك وحكمتي عليه بالاعدام ..
اذا من اللي يحل مشكلتك غيرك ..؟؟ لان الحل بإيدك ...
فاللي عليك الحين ان تقرري انك تبدأي بتغيير نفسك ... وتتخلصين من كل السلبيات اللي فيك
هذه الصفات موجوده في كل امرأة ولكن اللي عليك انك تبرزينها ... فقط اتبعي الخطوات ..
وابدأي بالبحث عن صفة صفة ... الى ان تخرجيها كلها وتبرزينها وبعدها تبدأين باستغلالها ..
انا في حياتي كلها .. ما فكرت ان في امر صعب ... دائما افكر ان بالتوكل على الله قبل البدء بعمل
معين والارادة القوية يمكنني ان احل كل المشاكل واواجه كل شيء صعب ولله الحمد .. وعلمت عيالي
وحتى زوجي هالشيء ....
فلا تقولي ان هذا الشيء صعب ... وفكري انه من حقك ان تسعدي في حياتك وتنعمي بلحظات حلوه
مع زوجك واهلك .. فكل اللي عليك انك تبدأي بتغيير نفكيرك ونفسك .. واعتبري نفسك انك في مهمه
ولازم تنفذينها بنجاح ...
اسأل الله ان يسعدك ويعينك ويوفقك في تغيير نفسك للافضل ... لا تحرمينا متابعتك وتجاربك يالغاليه