.. عزيزتي ( احن قلب ) ..
..أنتي طلعتي من عندهم , بمشكله كبيره تتذكرين ؟
.. وبفترة غيابك عن البيت .. اكيد كانوا يتكلموا بموضوعك , , وكلمه منها وكلمه منه , وكلمه هم هنا , وكلمه من هناك ,
.. يعني أكيد جابوا سيرتك , والله اعلم كيف كانوا يحكوا عنك .. وهذا كله سبب ( قساوه قلب ) عليكي ..
,, يعني قست قلوبهم عليك ,, وعلى بنتك , خصوصا انك ما عزيتيها , حسستيهم انه بنت مو عزيزه وغاليه عندك , فكيف بتصير عزيزه وغاليه عند الغير , اذا امها رمتها وراحت ..
.. فاالا صاير انه بعدك عنهم , والمشكله الا صرات , سببت لك بينهم جفاء وبعد وشويه بغضاء صح !!
.. الحل بيدك حبيبتي , والزمن كفيل انه يحنن قلبهم عليك , ويرجع مكانتك عندهم لكن يبى لها صبر كبير ..
.. الا عليك انك تحسني معاملتهم , وتعامليهم بلطف وحنيه , بس ما تهدري كرامتك , لااا
.. ومع الايام راح ينسوا السالفه , وترجع قلوبهم حنونه عليك , ويرجعوا يحبوك مثل اول ..
ولا تنسي انه المشاكل تسبب القساوه والبعد والجفاء , وهذا الا صار لك مع اهل زوجك , وخصوصا انك غبتي عنهم فتره طويله ..
.. والبعيد عن العين بعيد عن القلب .. فلا تحزني , حاولي تكسبيهم وتكسبي رضا زوجك عنك , وترجعي العلاقه مع اهل زوجك مثل اول واحسن , وابتعدي عن المشاكل , ولا تثيريها لا مع زوجك , ولا مع اهله , وطنشي , وعيشي حياتك , وعوضي بنتك عن كل دقيقه عاشتها بعيده عن حضنك ..
.. وعززيها , ودلليها وغليها بعين زوجك وعين اهله , ودلليها قدامهم علشان يعرفوا انها غاليه وعزيزه عند امها وابوها , وهم بعد اذا شافوها عزيزه عند اهلها راح تكون عزيزه عندهم , ويدللوها وما يرضوا احد يلمسها بسوء ..
ولا تخبرين امك بالا قاعد يصير , وتوجعي قلبها عليكي , وتخليها تزعل منك , لا خلي مشاكلك في اطار عائلتك وبس , وزوجك لا تخبريه عن الا يصير , بس اعطيه فكره مبسطه ( مثلا قولي له : صايره ما اعرف اتكلم مع اهلك , واحس نفسي غريبه عنهم , لاني بعدت عنهم فتره ) ,,
.. ولاتنسي تدعين لهم ان تحن قلوبهم عليك , ويزرع المحبه والموده بينكم ..
.. والله يوفقك ويسعدك ..
..