الاخوات الغاليات صباح الخير

كريستالا بجد موقف محرج جدا بس العيب عند الصيدلانيه لانها المفروض عرفت ان العلاج ده علشان امراض نساء يبقى كان لازم تخفض صوتها مش تحرجك كده معلش حبيبتى

متفائله ليه بتوصلى الامور بينكم لكده يعنى لما زوجك يقول لكى انتى بتعملى ايه او انتى فاضيه احرجيه وقوليله ادعيلى ان ربنا يرزقنى بالطفل اللى يشغلنى او ما انا برتاح دلوقتى علشان لما ييجى البيبى اكون اخذت كل الراحه اللى مش هشوفها بعدين واقلبيها هزار على فكره كل الرجال مش بيحطوا فى دمغهم انك بتتعبى سوء فى البيت او فى الشغل فاكرين انهم بس هما اللى بيتعبوا وده عادى يا حبيبتى فوتى والله لو احكيلك على اللى زوجى بيقوله لى هتقولى ازاى انا بسكت له لكن احنا لازم نعدى وبالنسبه لموضوع انه دعا عليكى معلش يمكن متضايق من شىء وطلع همه فيكى انتى فلازم تستحمليه وممكن كمان موضوع الحمل بيضيقه زيك بالضبط بس مش بيبينلك ويكون هو ده سبب ضيقه
فحولى تفوتيله شويه على الاقل انتى بتفضفضى معانا لكن الرجال غيرنا مش بيتكلموا مع احد فى شىء مضايقهم فعديها ياقمر علشان خطرى وسمحيه بس بعد ما تتقلى شويه صغيرين ربنا يهديلك الحال ويرزقك الذريه الصالحه فى القريب باءذن الله

سعود 33 انا كمان متزوجه من 8 سنوات يعنى احنا زى بعض ان شاء الله ربنا هيعوضنا صبر السنين باحسن ذريه طيبه باءذن الله فصبرى واحتسبى فكل هذا ان شاء الله فى ميزان حسناتك

واحه مصر كل اللى ربنا بيعمله كويس يمكن اللخبطه فى التحليل ديه علشان انتى لما تعرفى انك مش حامل متزعليش لان همك الاكبر كان خوفك من انه يكون حمل خارج الرحم فالحمد لله كل اللى ربنا يجيبه خير

اما اخبارى اليوم ذهبت عند طبيب جديد طبعا مش مشهور زى اللى فاتوا بس قلت اجرب امشى شويه معاه فقال لى نفس كلام الاطباء السابقين ان احسن علاج لحالتى الحقن المجهرى وانا بينى وبينكم هلكت من الحقن سوء جسديا ونفسيا وماديا فانا ومنذ سنتين اجريت اربع محاولات حقن وفشلوا والحمد لله على كل شىء فطلبت منه انى اخذ منشطات واتابع التبويض عادى يمكن يحصل حمل لحين استطيع عمل حقن مره اخرى فوافق ولكنه قال لى ان الاحسن عمل الحقن قلتله يعنى مش هيكون فيه امل للحمل من غير الحقن فقال لى الامل موجود طبعا فقلتله طيب نجرب لعلى وعسى واعطانى حقن لتنزيل الدوره وبعدها ان شاء الله اعمل تحاليل ونبداء على بركه الله بس تعرفوا برغم انى حسيت من كلامه ان الامر صعب بالتنشيط فقط مع ذلك عندى امل كبير فى الله وخصوصا انى حملت قبل ذلك من 4 سنين بالتنشيط والله المستعان

اسفه على الاطاله بس ده الجديد اللى عندى فحبيت اخبركم به لانكم خير عون لى ويعلم الله انكم من اغلى الناس فى قلبى وتقبلوا حبى ودعائى

__________________

رَبِّ هَبْ لِي مِن لَّدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ