مزبوط كلامك، بس هل يعني كلامك وكلام بعض الاخوة انو ما يدللها ابد؟؟! لا هو ملزم يحاول، وازا ما شاف نتيجة لهالعطاء يوجهها بصريح العبارة للامور اللي بتزعجو لانو يا اخي هي بتكون مفكرة وبتقول لحالها انو طالما هو بدللني اذن هو بحبني وبالتالي راضي عن كل افعالي، هي مش فاهمة انو لازم تعطيك اكتر واكتر وهادا اللي انت بتطمحلو، اخي الفاضل انا بعتبر هاي الحركات الحلوة من الزوج نوع من الاشارة ومش كل النساء لبيب وبالاشارة يفهم، بل عليك ازا ما لقيت تطور منها للاحسن انك تطلب بصريح العبارة بس ما تقلب عالوجه التاني لانها ساعتها رح تبدا بينكم حلقة مفرغة من الفعل ورد الفعل و كره وضغينة، وساعتها بتدخلو بدوامة ما بتخرجو منها بنتائج سليمة. بتمنى اني قدرت اوصل الفكرة لاني مراة وبحس بشو بتفكر المراة، لكن اذا بعد التصريح ما تجاوبت ساعتها لكل حادث حديث وبكون الزوج استنفد كل المحاولات.