اقتباس:
المشاركة الأصلية كتبت بواسطة ح ـور
شطحـه :هو اللي قالي روووحي لبيت اهلك يعني استحآله اتصل فيه واقووله ابرجع لك لانه هو اللي طلب مني اروووووح !!
إنتواا معي يعني لازم هو اللي يطلب مني ارجع له ؟!!
|
إسمعي أختي الكريمة
انا معك أنه دام هو اللي قال لك روحي بيت أهلك فـ لازم هو اللي يجي ويرجعك...
أختي الفاضلة أنتي شوفي سيئاتة وحسناتة وقارنيها يعني إذا تشوفين ان الرجال كويس (واعتقد من ضمن كلامك تقولين ان أثنينكم قلوبكم بيضاء وهذا يكفي بالنسبة لي)اقول اذا الرجال كويس وكان معاند ومايبي يتصل او يجي ,خليك أنتي العاقلة والحكيمة واطلبيه بالتلفون(لايضحك عليك الشيطان ويحسسك إن اتصالك به إهانة لك) وتكلمي معه بالعقل والمنطق وحاولي تتفاهمين معه , واذا شفتي ان الرجل مازال يبيك إبدأي بتلطيف الاجواء بكلمة جميلة (إشتقت لك , ولهت عليك... ومشتقاتها حسب ماترينة مناسب بينكم)
صدقيني الرجل يعاند ويكابر وهو محتاج للطرف الآخر وراح تذكرين كلامي بيعتبرك أحكم واعقل منه اذا تذكرتوا السالفة بعد فترة من الزمن وصدقيني اختي ان لقب (مطلقة) شي لايطاق ولا سمعت عن وحدة مطلّقة (إلا من رحم الله) إلا وقالت والله اني إستعجلت وانا غلطانة ليه حاولت اسوي كذا وكذا , أنتي الحكم ولازم تتصرفين بحكمة ولين لأجل حياة سعيدة...
ولا تنسي يا أخت حور ان موضوعكم بسيط بس الشيطان شاطر ويسوي من الحبة قبة
اتمنى من الله العلي القدير ان يصلح شأنكم ويخزي شيطانكم ويرزقكم الذرية الصالحة
أخوك/ إقهر ظروفك
__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.
التعديل الأخير تم بواسطة إقهر ظروفك ; 08-03-2010 الساعة 08:09 AM