اخي العزيز ..

والله المتابع لموضوعك يعرف كم انك تحبها وتموت عليها بس هي طااااايشة وعنيييييييييدة لابعد حد..

اخي الاخت همس متابعه معك وردودها ما شاء الله بتكفي وبتوفي واخر شي نصحتك بالانفصال... لكن انت ما تقدر عليه..

يا اخي هي لما بتتصل عليك وانت ما ترد عليها بتزعل وبتنجلط بس طبعا ما بتبينلك، بتغيب يوم و2 وهي بتكون ميته لتسمع صوتك بتحاول تكابر بس بترجع بترن، انت كمان ما بترد فبترجع تسب على حالها ليش تتنازلك (هي بتسميه تنازل!!) وبتقطع فترة.. وهكذا

هاذ كله تصرفات ولدنه (انا كنت اعملها مع خطيبي!!!) كنت اكابر كتيييييييييير واصلا من طبعي العناد، ولهلا اذا هددني بالطلاق او شي مستحيييييييل اظهرله اهتمامي... بحكيله عادي الله معك، اتزوج اعمل شو مابدك... بس جواي بغلي... مش تسلط... بس مابدي يحس اني مدلوقة عليه، فيحس بالقوة الزايدة علي، بس زوجي للأسف مابحس انو بحبني نفس ما انت بتحب خطيبتك... الله يوفقكم يارب..

بس فكرتي انو شو رأيك تتركها تنحرق، حتى لو انت رح تنحرق اكتر منها، ما تتوقع تبكيلك وتعتبك بالمكالمه، لالالالالالالا مارح تحاول تعاتبك ولا تزعلك منها ابدا عشان ماتقطعها كتير.. بس حتكون بدها تسمع صوتك، تلمحلك انك تسمعها كلام حلو بس مارح تطلب.. (انا مرات هيك كنت اعمل.. ) وسبب عدم معاتبتك والاصرار على الاستفسار مش عدم الاهتمام... لا والله بس لسبب انك ما تزعل وتتضايق من الحاحها وانها ما بدها تضيع المكالمه عتاب...

وريها العين الحمرا بجد، وانت بعينك الله تصرف كانك تركتها (هاد اذا زعلتك والله لايجيب زعل انشالله)، بس خلي ببالك يمكن الشدة الزايدة تزيد عنادها...

بس النقطة اللي بدي احكيلك اياها انو كل هالحركات لأنك بعيد عنها، مابدها تتعلق فيك زيادة عن تعلقها فيك هلا وانت مش عندها.. وكل هالمشاعر رح تطلع شوي شوي بعد الزواج.. طول بالك، والله يصلحلك زوجتك ويخليكم لبعض..

لا تحاول تستفزها هلا لتعرف شو ردة فعلها... اسفه عهالكلام بس هاد حكي فاضي.. (انا كنت اختبر ردة فعل خطيبي قال يعني!!!) بس والله كله حكي فاضي كل شي بعد الزواج بتغير... صدقني، هي ما رح يكونلها صدر حنون بالغربة غيرك، هلا هي يمكن مشغوله باهلها وصديقاتها عنك.. بس بكوة انت حتكون كل حياتها ودنيتها.. ماتتوقع رح تضل بنفس الجفا اللي هي فيه..

والله يوفقك يا اخي