بأقول لك اللي أعرفه ، و إن شاء الله الكل يفيدك
البنات ، بتلاقي هناك شخصية ممكن نسميها ( فقاعة صابون ) أو ( بالونة منفوخة بهواء
)
يعني داخلهم فراغ ،، و مجرد مظاهر .. و البقية ممكن تسميهم ( توابع أو مجرد ذيل )
هذه فقاعة الصابون ، تمشيهم يمين يمين .. شمال شمال ..
فإنت لا تلتفتي للبنات ( التابعات ) اللي مالهم شخصية و لا لهم قيمة لذاتهم ..
لإنه لابد تواجهي النوعية هذه .. و هم أصحاب المصلحة أو المصلحجيات ..
نجي للفئة التانية ، اللي تنفخ نفسها عالفاضي ،، و من داخلهم فراغ ..
هذولا عندهم عقدة نقص بداخلهم ،، فيكملوها أو يغطوها بوجود أصحاب المصلحجيات حولهم ..
و إنت واضح إنك شخصية محترمة ،، و مالك مصلحة خاصة بك عشان تصاحبيهم ..
فعلشان كذا ، بتلاقي فئة .. ما راح تعجبيهم .. فلا تلتفتي لهم ..
و عموما لا تتوقعي الطالبات اللي في الجامعة ، نفس الشئ في المعهد ..
أنا درست في الجامعة ،، و مرة رحت المعهد و قابلت طالبات نوعيات مختلفة ..
لإنه الوحدة منهم تشوف إنها داخلة بفلوسها فخلاص تعمل ما بدا لها ..