هتفوق يا هاله ويا موناكو صدقونى
هى بس الف فكره وفكره فى راسها
والحمد لله هنا كتير قالوا لها انها هى السبب او هى اللى ادت فرصه
يعنى الفكره اساسا هتجننها وجم ناس هنا ماشاء الله زادوا كرهها لروحها
ياعالم بالله عليكم من كان منكم مؤمنا فليقل خيرا او ليصمت بلاش الدخول بالنوايا والتاويل ، احسنوا الظن بالراويات ورواياتهم.
ما علينا...
جاست جيرل لا انتحار وحاجه ، ايه اللى هتستفيديه انك تتخلصى من نار ما رحتى لها بارادتك لنار تدخليها بارادتك
بطلى جنان ده شيطان والواد ده هيركبك العفاريت صدقينى.........
اخ بس لو اعرف له طريق كنت فرمته بسنانى وقلت له اعلى ما بخيلك اركبه ، عارفه ليه لانى ما غلطت انتى ما غلطتى يالهوى يا بنتى فوقى ما تخلى المجتمع والناس والافكار المسمومه تغير قناعاتك .........
دى السيده عائشه وهى احسن من الكل اتقال عليها كلام
ليه الرسول ما قال اه ماهى اللى حطت روحها فى الموقف ده انها بتقضى حاجتها فى الخلاء بالليل ليه؟ هو مش انسان وهى انسانه وللا هنقول ده نبى اه هو معصوم بس مراته مش معصومه بدليل تخيير ربنا لهن اللى حابه متاع الدنيا واللى عاوزه الاخره وساب لهم الاختيار...........
انا بتكلم فى اننا بشر بلاش نسمم افكار بعض عارفه لو المبدأ انك غلط وان كل ست بتحط روحها فى موقف قذر ويتمنعن وهن الراغبات كا ن يبقى المفروض المنتدى ده يبقى فاضى من اى مشكله تماما لاننا السبب فى مشاكلنا كلها وللا انا غلطانه؟
اه ، كمان فكره بسيطه يبقى اللى بيتحرش بذكر كمان المتحرش بيه هو السبب وهو اللى حط روحه فى الموقف ده ........وللا الستات بس اللى فيهم الطمع؟
عارفه انتى صارحى ابن عمك مثلا لو هتتجوزيه وفكره حد لمسك دى فكره مجنونه ، يعنى كان حد شدك فى الشارع غصب عنك .........انتى ماكان ده شىء ينفع تصديه
وبلاش تدورى بقى صاحبتك تعرف وللا ما تعرف والقصص الخايبه دى دول ناس انكارهم احسن
فهمتى وللا اقول تانى؟؟؟؟؟؟؟؟؟؟
__________________
ليس كل ما يلمع ذهباً