جست جيرل وست البنات كمان
.....
بصى يا حبيبتى انا مقدره تماما اللى انتى فيه واكيد حاسه بالنار اللى انتى فيها بس انتى عندك مشاكل مع نفسك لازم تحليها
اول مشكله ليكى انك حاطه فى نافوخك انك انتى السبب
عارفه لو انتى لابسه حزام عفه بحديد ولابسه خيمه بحبال وهو دنىء هيقولك انتى السبب
عارفه ليه برضه لان احنا ولله الحمد فى مجتمع يحمل الانثى كل البلاوى
لو الولاد باظوا الست السبب لو البنت تم التحرش بيها هى السبب
لو الزوج ادمن الست السبب لو رماها ودار على حل شعره هى برضه السبب وهى اللى خرجت ادم من الجنه
وانتى معذوره فى كرهك لروحك لعده اسباب بقى ومش فلسفه
اولا الولد ده ودى من صفات المتحرش هيفضل يلف ويدور حواليكى نفسيا عشان يمحى نفسيتك ويخليها فى الحضيض عشان تظنى انك انتى اللى اغويتيه وتفضلى نفسيا خاضعه له، انتى فاهمانى؟
يعنى من اول صفات المتحرش او المغتصب القريب كمان سواء جار او صديق او معلم او من الاهل اول شىء لازم يضمن خضوع ضحيته له نفسيا بالترهيب او الترغيب او التهديد النفسى وكسر الروح عشان يستمر الحال والوضع
تانى حاجه عادى انك رحتى لصاحبتك دى فى نفس الحى وعشره عمر بين الاهل والاصدقاء والجيران
يعنى انتوا اهل من اكتر من عشرين سنه
طبيعى هتتصرفى تصرف لا ريبه فيه يعنى غير معقول انك بعد ما بتزوريهم من 20 سنه كل مره تدخلى وتقفى عند الباب تتحسسى الخطوات او تنزل هى تاخدك .........غير طبيعى يعنى
الطبيعى مثلا فلانه فين فوق طاب اوكى وتطلعى
ولو ابوكى او اخوكى وصلك ماهو هيوصلك للباب وللا هيطلع معاكى الاوضه ويتاكد من وجودها؟
بصى يا جيرل
انتى جواكى احساس فظيع بالذنب لو استمر صدقينى الولد ده المره الجايه فعلا هينام معاكى للاخر وهيغتصبك بارادتك عارفه ليه؟لانك هتشوفى روحك تستحقى ده لانك بنت مش محترمه
انتى بنت محترمه اتعرضت لموقف قذر ، دون اى دخل منها
عارفه الومك امتى لو دى معرفه قريبه من كام شهر يعنى
كونك بتستحمى وريحته فيكى عادى رد فعل نفسى طبيعى
كونه بعت لك صورته ده انسان واطى
وابن عمك ماله اى ذنب انك ترفضيه وانتى بتحبيه وتحرمى روحك من سعاده عشان شىء بلاء ربك قدره عليكى
عارفه لو انا منك
اتصرف تصرف من تلاته
يا اما ارمى صوره لامه وابوه وصاحبتى واللى يحصل يحصل ..........كده كده الناس دول انتى مش هتعرفيهم تانى / ايه ابشع شىء هيحصل يعنى هيقولوا انتى اللى رحتى بارادتك
اعتقد احسن ما تبقى فريسه لابنهم وانتى الحمد لله لسه بكر.....يعنى كلام ماله داعى ولو انتى ميته فى دباديب ابنهم وغاويه لعب هتفضحيه ليه؟
اما تقولى لاهلك برضه بالصور ، وتقصى القصه
او تقولى لابن عمك لو انتى بتثقى فيه تمام الثقه ، ده حد اتحرش بى وباعت لى صور
او تكلمى الهيئه
هو ما عنده دليل ان انتى غاويه قله ادب، الخدامه مالها شهاده حبيبتى لازم يكونوا 2 ستات
انما انتى عندك دليل قوى جدا جدا الصور
هونى عليكى انتى فى محنه مش مصيبه
انا مش بقلل من المك بالعكس
بس ما تحملى روحك فوق طاقتها، ولو الذنب انك فرطتى او قليله الادب معلش يبقى الذنب ساعتها انك انثى اساسا ، لانك لا فرطتى ولا هببتى وربك الاعلم احنا مش ربنا عشان نفترض ونحاكم
واذا كان ربك بيحاسب فاحنا لازم نعرف قدرنا واانا مجرد بشر وما نحاكم بعض ولا نتفلسف على بعض ونقول اللى فى النوايا واللى ما شفناه
انا عندى بنت
ولو حد قرب لها هاكله بسنانى بغض النظر عنها
اقرى شويه فى سلوكيات المتحرش وانتى هتعرفى هو بيعمل فيكى كده ليه وخطته لللايقاع بيكى كامله ايه؟
واقرى فى رد فعل المتحرش بيه وانتى هتفهمى تصرفاتك
انتى نقيه وزى الفل ، ولو مش كده ما كنتى شكيتى لنا.........ربك غفور رحيم ..........ربنا بيغفر
اغفرى لروحك ذنب انتى مجنى عليكى فيه
ما تخلى الشيطان ياكل دماغك
عارفه لو فكره ان انتى السبب وانك وحشه وزانيه وبنت مش محترمه سيطرت عليكى حالك هيبقى ايه؟
هتكررى نفس الفعل بس بوعى
يعنى هتحطى نفسك فى مواقف لازم يتم اغتصابك فيها عشان تقولى انا ضحيه انا بنت مش كويسه
قومى استحمى وفوقى كده وصلى لله يرفع عنك
كلب وبال على هدومك وما خسرتى من نقائك شى صدقينى
ارحمى روحك
ومن كنا منا بلا ذنب فليرميك بحجر
معلش كلامى ملخبط اعذرينى
وشوفى اى حل من الحلول يعجبك اعمليه او نتناقش فيه
__________________
ليس كل ما يلمع ذهباً
التعديل الأخير تم بواسطة وردة بين الثلوج ; 26-02-2010 الساعة 11:30 PM