أولاً يااختي الصغيرة من غير المعقول أن يفعل الشاب مافعله دون أن تكون منك اشارات مسبقة نحو الشاب جعله يتجرأ على فعل مافعل مع بنت جيرانه

لذا ياصغيرتي اخبرينا بالأسباب التي دفعته لفعل مافعل وكيف كان أسلوبك وحديثك مع الشاب من قبل وهل بينكما علاقة؟
هو قال لي اني السبب وانه تعب مني وانا امثل دور البريئة الي مالها شغل بهالسوالف وان كل البنات مثل بعض وكلام كثير
وانا يعلم الله من كبرت وصرت البس عباية ماصرت اكلمه ابد حدنا سلام ع الماشي ومعتبرته مثل اخوي

وكيف وصل لإيميلك بهذه السرعة إذا لم بينكم مراسلات من قبل؟
هو اخذ ايميلي قبل فترة وضافني وماكنت ادري بعدها قال لي انه يبيني وناوي يخطبني رفضته بأدب وقلت له انه مثل اخوي الي ماولدته امي ومن هالكلام وهو تقبل الموضوع برحابة صدر واعتذر على ازعاجه وكل شي
وهالكلام من فترة 4 شهور تقريبا مو يوم او يومين

وأيضاً يااخيتي لو لم تكن لك يد في ماحصل لكنت هرعتي لأهلك تبكين وتشكين لهم ماحدث ...ولكن سكوتك ولومك لنفسك دليل على أن لك يد في ماحدث وتخافين أن يفضحك لو تكلمتي؟
مااقدر اكلم اهلي والله الوضع مرررة صعب اقول لهم فلان تهجم علي ومادافعت عن نفسي الا بوقت متأخر؟
اساسا و ربي شاهد علي انا توي اتذكر تفاصيل الي صار بيننا ماكنت اذكر حتى وهو قال لي بيقول مني وانا الي رحت له والبيت فاضي واغويته عشان ابيه وهو بصير لغيري ومن هالكلام

كل شي خطط له بدقة ويدري عني ما بعلم احد لاني مو من النوع الي يشكي همومه والله اخجل اقول لاهلي ابوي بدون شي وياه القلب ماابي يروح فيها على يدي

وتصرف الخادمة دليل على ان بينكم مقابلات من قبل في بيتهم وليست حركة جديدة ...فهل كانت بينكم لقاءات ؟
ماكان بيننا مقابلات ولا حتى مكالمات جوال او مسن !
انا كنت احب ولد عمي من صغري واعترفت له قبل فترة من سفره وكنت انتظره مع انه ما رد علي وللاسف لما كلمني اليوم وقال يبي يخطبني اول ما يجي البلد ويلاقي اجازة قلت له الله يوفقك وشوف حياتك بعيد عني


الله يشهد علي ما قلت ولا كلمة كذب ولا زدت ولا نقصت من اي شي