عليكم السلام ورحمة الله وبركاته

حلو اسمك ياحور إن شاء الله تسمين بنتك قريب

بقولك سر .. باين عليك دلوعة وترى مارحتي بعيد عن اللي تكلمك

وهذي مو مشكلة المشكلة إنك للحين في بداية حياتك الزوجية وبداية التعامل مع رجل

يفــــــرق كثير عن والدك واخوانك يعني ومن الأخير يبيله شوي سياسة في التعامل

لأنه واضح إنه زوجك حبوب وطيب ماشاء الله لاتخسرينه على أشياء ثانويـة في الحياة

لاتعادنين ولاتتكلمين أو تتصرفين وإنتِ معصبة !

خليكِ حلييييييمة وصبورة على الأقل الآن في البداية خلي زوجك ينبسط بقوامته ومسؤوليته

اسمعي كلامه وقولي سم وتامر أمر ترى راس مالها ملابس ماتسوى عليك حتى تفكرين بالطلاق !

انتبهي لبيتك ولمملكتك واغمري زوجك قد ماتقدرين بالإحترام والتقدير والمحبة

وتأكدي قد ماتعطين راح تاخذين حتى ممكن بالسياسة الحلوة تلبسين اللي تبغين وهو راضي

الآن الشيطان مبســــــوط إنه كبّر بينكم الزعل والغضب وماراح يهنى إلا لما تتفرقون وبعدها ماراح ينفع الندم

اذكري الله وتعوذي من الشيطان وحاولي ماتخلين أحد يعرف عن أسرار بيتك وخاصة البسيطة منها

ورجاء ً لاتكبر بينكم وتخلين كل من هب ودب يفتي ويقرر لحياتك حتى لو اهلك

أنا اشوف زوجك ماسوى شي يستاهل كل هذا ممكن تزعلين منه وكذا لكن وانتِ في بيتكم

ماله داعي القاصي والداني يعرف عن مشاكلكم

الله يوفقكم ويسخركم لبعض ..