مرحباا
مع إن الاعضاء ما قصروا ,
بس ما قدرت اطلع بدون رد 
بس بقولج تجربة الماما .. وهي انجبت 4 اطفال اثنين شباب و2 بنات
يعني آنا ما عندي إلا اخت وحدة واخوي يقول ما عندي الا اخو واحد !!
على طول اسمع الماما تقول , إنها متأسفة لأنها ما جابت اولاد أكثر
لأني آنا تزوجت واخوي لكبير اشتغل واستقل عنهم تقريبا ً
يعني امي وابوي حسوا بمكاني فورا ً بعد خروجي من البيت حتى إنه ضلت فترة طويلة بعد زواجي تبكي !!
بعد ما تأخر الوقت عرفت إنها غلطت يوم ما جابت اولاد اكثر ... عشان يملون البيت عليها أكثرر
وحتى اختي افتقدني وايد وايد ولحد اليوم وبكرة تصيح تبيني ارجع معاها لأنها بالبيت البنت الوحيدة
صج إحنا صديقات لماما ... بس محتاجين خوات!!
وعن تجارب الاخريات .. يقولون الاطفال لو جبتيهم مع بعض كلهم يتربون مع بعض
لكن لو تأخرتي سنين طويلة يمكن تكون فكرة تربية طفل جديد امر اصعب؟
وبالنسبة لي ..
بصراحة طول عمري اتمنى عندي خوات وايد !! واتمنى اذا جيت يوم الخميس بيت اهلي
يكون فيه خواتي واخواني واولادهم ! ويصير عفسه وجو 
اصير عمة , خاله .. ادلعهم ..
حتى إني اقول لأخوي لكبير (23 سنة) بسرعة تزوج ! نبي اخت ثالثة
عالاقل يملي البيت شوي !
صج اخوي لصغير (10 سنوات) مسوي جو ومن يطلع برى البيت يصير هدوء وصخة ومافي صوت !
ف عشان ابو العيال .. والعيال جيبي لهم اخوان يسلونهم ...
وإلا تدرين ؟
خلي كل شيء على الله .. الله كريم
وبيعطيج الي تستاهلينه مو اقل
ولا تصيرين نفسي كله توسوسين ترى زوجة خالي حملت فوق ال40 وكانت تشرب حبوب منع الحمل
وعرفت إنها حامل بعد فترة ! لكن جابت بنت ما شاء الله تجنن مااقدر اجوفها بدون ما ابوسها من جمالها 
كل شيء بيد رب العالمين ..
وكل مقدر مكتوب
و
كلش حدهـ سوري على الهذرة
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة منت عاجبني ; 17-02-2010 الساعة 08:38 PM