احم ،، وسعوا قربت انا ,, السلام عليكم ورحمة الله وبركاته ,,
اختي في الله بحر الخيااال ,, ارى ان موضوعج تفرع الى تحليلات وامور ووصلت بعد الى السحر والعياذ بالله ,,
خليني انا اقوولج سر ،، وبسسج خلاص لا تدوورين عقبه ولا تهون الردود الباقية ,,
هذا الله يسلمج شعوري وشعوورج كانن سيم سيم ، يعني بالرغم اني صليت استخاره ووابل المديح اللي نحط عرااسي ووافقت لا وبعد ازيدج من الشعر بيت ملكت وانا احس بالنفور اكثر من التقبل ,,
والله العظيم اني كنت ادور السلبيات في كل موضوع ينطرح عنه واتشائم واتحرطم . حسيت انه خلاص ما اتقبله وما اريده و و و .. لدرجه كنت احلم احلام ,,
بس بعدين قلت انا مصلية استخاره والله يكتب الخيرة لي وسكتت ومرت الايام لين جاني خبر انه بيروح لمهمه ما ابالغ ان قلت لج انه فيها حياة او موت.
والله ما كنت اعرف ابات هذاك الانسان اللي ما اتواصلت وياه ابدا ومن البدايه ماكنت اكرهه بس ما اتقبله استوى سارق النوم من عيوني ,,لين رد بالسلامه الحمدلله ,, وعقبها ردت حليمه لعادتها القديمه هذاك الشعور السلبي المقلوب اللي يخليني انتقد كل شي من صوبه ,,
وعقبها استوت تواصلات واتصالات خفيفه اهليه ,, والله اني كنت احس بالميووول القوي صووبه والتقبل العجيب بس ان اخطا احس اني اقوول كنت متوقعه هالشي وكنت من البداية ما اميل له ,,بس اكتشفت اني غلطانه ,,يمكن لانا ماا عندنا ابدا علااقات ولله الحمد سواء بالمسن او المنتديات واو التلفونات مع رجال اغراب ,,فقمنا نتسنكر الواقع وما نتقبله بس دامه بيستوي حلالي وجنتيه ونااري اذن وداعا لتلك المشاعر السلبيه الشيطانيه واهلا بمشاعر المودة والرحمة الربانيه ،، اهلا بالامانه اللي امني اياها رب العالمين لاتم هذه المهمه ,, اهلا بمجال كبير من الاعمال والافعال بما فيها من لذه حلال تقربني الى رب العالمين وجناته ،، وفي نفس الوقت تسعدني وتعطيني واستلذ بها ايما لذه ,,
واما عن المحادثات الماسنجرية احسن شي خبرتيه ان امج تدري وبجذيه سديتي عليه باب الشك انه ممكن تكون عندج علاقات ماسنجريه من ورا اهلج وعطيه فكره عنج انج في الامور اللي تشتبه عليج لازم يكون عند اهلج خبر عنها ,,
ثانيا ,, ابتعدي عن المحادثات العاطفيه ولكن لا تنسين الدبلوماسيه بما معناه خلي ردودج عليه وتعاملج معااه رااقي ،، يعني سمحيلي بس احس انج كنت شديده وشديده معاه اخاف تطري فكره انج من البداية رفضتيه ويمكن حد جبرج عليه ،، لاا حسسيه ان بحكم انا خاطبين هاي حدودا وفي نفس الوقت مرحبا بك زوجا وحبيبا ،، حاولي ولو مرة وحده تحسينه بسعادتك بالارتباط به بعيدا عن اسلوب المحادثة العاطفيه وهكذا
بسير اشرب ماي احس اني وايد اتفلسفت ودمتم سالمين ,, الله يووفقج ويعجل بخيرتج وساامحيني ..
__________________
يـآ حي يـآ قيـوم , برحمتك أستغيـث , أصـلح لي شـأني كـله, ولا تكلنـي إلى نفسـي طرفـة عين, أو أقل من ذلك .’