أختي همس

أنا الوحيدة اللي طلعت نابغة أهلي ههههههههههه
أمزح ترى
أقصد الوحيدة اللي انضرب على نفوخي

أخواتي و أخوات زوجي ، جالسين في بيوتهم ..
و أنا بأدرس و عندي وظيفة الحمد لله ..

و لولا ولدي ، و لو كانت ظروفي مثل ظروفك ..
الله كنت تركتهم كلهم ..

أختي يوم تشتكي من شئ أو أمي مثلا تقول أختك تشكي كذا ..
أرد عليها و أقول لها ..

( مو جالسة في بيتها ؟ زوجها بيتعب و يصرف عليها و الحمد لله ؟
خلاص تتشكر زوجها و تحطه فوق راسها )

يعني استغرب مثلا يوم وحدة تقول ، أبغى أشتغل و أخد شهادة علشان أضمن مستقبلي ؟؟؟؟؟
و هي مستقبلها بيدها ( زوجها و ولدها ) ؟؟؟؟؟

ترمي الإستقرار و الأمان و كل الأشياء اللي موفرة لها الأمان ..
و تجري وراء شهادة علشان تضمن المستقبل المجهول ؟؟؟؟؟

يا قلبي ..
ممكن تقولي ، إنت عندك شهادة طيب ؟؟؟

أختي ، ظروفي تختلف عن ظروفك ،، و نفس الشئ ظروف أخوات زوجك و زوجات أخوانه ..
كل وحدة تختلف عنك ،، مو كل موظفة سعيدة بحياتها الزوجية ..
تلاقيها تقول ليتني ما تعلمت و لا توظفت ..؟؟؟؟؟

و لا تحسبي إنه الموظفة خلاص لها قيمة في الحياة ؟؟؟؟
قيمتنا في الحياة نحن نصنعها ،، لا تغرك المظاهر ..

ادرسي و أشجعك تدرسي ..
لكن مو على حساب زوجك و ولدك ..


أعطيك مثال سريع ..
أنا كنت من الناس اللي أبحث عن التفوق .. لكن ألحين أبغى النجاح و بسسسسس ..
أطمح للتفوق ،، بس إذا جات مصلحة ولدي و زوجي ، بأقدمها على مصلحتي ..

يعني أقول بداخلي ( خلاص دامك ضمنتي النجاح في المادة هذه ،،
خلاص الوقت اللي تستغليه علشان تجيبي درجات أعلى .. استغليه أفضل علشان مصلحة ولدك و زوجك و بيتك )

فلازم شئ مقابل شئ يا حلوة

و أهم شئ توازني