اقتباس:
المشاركة الأصلية كتبت بواسطة مشموشه
كلامك نزل علي كالماء البارد ياحلوايه جزاك الله كل خير
وانتي يارفقاء الامل تذكريني بنفسي كثيرا ولكن الفرق اني متزوجه منذ3سنوات.. اتمنى من الله ان يفرج همي وهمك و يرزقنا حب ازواجنا كما رزق رسوله عليه الصلاة والسلام حب خديجه
|
ربنا يسعدك يا بنتي دنيا وآخره ويشرح قلبك دايما..
انا بيصعب علية بس ان في ستات بتضيع عمرها على سراب وفي آخر العمر تبان الحقيقة ... بعد كتير اوي وبعد تضييع وقت وعدم استغلاله في اظهار مشاعرك
.. لإن الجواز وحب الزوج انضج واحلى من الحب القديم ده بكتير .. وهتكتشفي بعد مرور الوقت انكم احتملتوا حاجات وارتقيتوا مع بعض في حاجات ماحدش تاني قدِر يعملها .. ولا الشخص القديم كان يقدر عليها
انك تتوافقي مع جوزك في الاساس .. ده معناه ان انتوا صح وانت مافيش ناس زيكم كتير وانك محل غيره وحسد من الكثيرات اللي معندهمش رُبع التوافق ده بل معاناه واختلاف بالهبل رغم الحب الاولي القديم .. !
ربنا يحفظكوا يارب
اقتباس:
المشاركة الأصلية كتبت بواسطة رفقاء الامل
الله يعطيك العافيه ويجزاك خيرا
الوساده الخاليه ...لا ماشفتو ربي يسعدكم كلامكم شجعني كثير |
الوسادة الخالية فيلم معروف لعبدالحليم حافظ
الفيلم بيحكي على انه حب واحدة وكانت اول حب في حياته وكان بيغنيلها ويتقابلوا والحوار الفاشل ده
فالمهم الست دي اتقدملها دكتور واتجوزته والدكتور ده كان اخلاق وكويس جدا مايترفضش
واللي بان من الفيلم ده بعد كدا انها فعلا كانت سعيدة معاه
عبدالحليم حط حرته في الشغل وابتدى يرتقي ووصل لمستوى كويس الى ان مديره وراه بنته والبنت ماتترفضش جمال ومال واتكيت وكل حاجة حلوة
اتجوزها ولكن عبد الحليم من ساعة البنت اياها وهو كل يوم يقعد يحضن وسادة ويعيط .. وحتى بعد ماتجوز يحضنها ويعيط رغم ان مراته قدرت تشده ليها بتعاملها .. ولكن الشيطان انتي عارفة
المهم في النهاية مراته ماتت .. وقعد يعيط عليها وانتهى الفيلم بإنه بيحضن الوسادة بنفس طريقته ولكن المرة دي بيعيط على مراته !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
الحقيقة الواقعة ان دي اللي حبته بجد واستحملته وانها حلاله وانها كانت نقية ومخلصة وطيبة جدا وانها كشخص مميزه عن التانية.. والتانية خلاص ليها دنيتها انتهى ...
ليه الانسان بيتبتر على اللي في ايده .. هل الانسان دايما بيبص للي مش معاه و راح منه ومايتمتعش باللي في ايديه ولو اللي في ايديه راح يعرف قيمته ويعيط ؟!!!
طيب وليه مانقبلش ده من الاساس .. ونحب اختيارنا واختيار ربنا لينا طالما عايشين كويس
ليه حاطين انه احنا بنخون احساس في خيالنا مع الحاجة اللي هي في الاصل حلال ومطالبين نتمتع بيها
فاهماني
ربنا يسعدك و ينور بصيرتك آمين
التعديل الأخير تم بواسطة helwaya ; 30-01-2010 الساعة 08:38 AM