طيب انا ان شاءالله اقدر افيدك

انتي حتسويها باستراحه

1-اول شئ لازم تعرفي الاستراحه حتوفر الصبابات او لا

2-ثاني شئ الشاي والقهوه وصحن المعجنات والحلى تقدري تتعاملي مع اي محل حلويات مثال العماد

3-الكوشه لازم تزينيها ويفضل بنفس لون فستانك

4-تتاكدي اذا بتجيبي طقاقه او دجيه السماعات تستاجريها والزفه حقك تضبطيها

5-عند مدخل الاستراحه لو حابه تكون في طاول وعليها تجراف وعلبة حلويات وكدا ضيافه وممكن تسوي استاند فيه صورتك

6-العشا اما بوفيه او ذبيحه برغبتك

7-المصوره تحجزيها من بدري لو من جده ممكن ادلك على مصورات جيدات

8-حلو بنص الملكه احد من اهلك يضيف المعازيم بصحون حلى يكون شكلها حلو وغريب

9-الزفه العريس مايدخل عادي كلنا كدا انزفي بالوقت اللي يريحك لكن قبلها يكون العريس دخل عندك الغرفه وتصورتوا وكله
لاتنسي خلي المصوره تصورك فديو احلى شئ

10 -لو يرضى العريس بعد مايروحوا الناس للعشا يدخل القاعه ويلبسك الشبكه وتقطعوا الكيك وتشربوا العصير

لو مارضي مره مو عارفه اما بعد الزفه وبعد مايجلس تروحي الغرفه مثلا ومع اهل يلبسك وكدا او وقت التصوير اللي هو قبل الزفة تقطعوا الكيك

اتمنى اكون افدتك ولو تبغي اي شئ لايردك شئ