شكرا لكي عزيزتي افكاري حياتي
وشكرا لسيدة المنتدى ام جمانه
موضوع جميل ويخلي الواحد يتحمس يغير حياته للافضل
بقولكم تجربة بس مو مع زوجي مع امه الله يرحمها
جات علينا فترة زعلت فيها مني وقلبت عليا بسبب سوء تفاهم
بس هي الله يرحمها قلبها طيب وتنسى
مرت الايام والشهور وجات فترة تعبت فيها وسخنت بسبب تقلبات الجو
وهي كانت دايم تسخن (لانها كبيرة في السن ومناعتها قليله مريضه بعدم انتظام ضربات القلب و مركبه جهاز في صدرها)
فمرة رحنا لها وكان اخر الاسبوع وقلت لها كيف حالك يا خاله
كيف صحتك دحين ومسكت جبينها يا هي انبسطت وفرحت
بس عشاني مسكت جبينها اشوف كيف حرارتها
وعرفت ايش اللي يبسطها وصرت كل مرة اسأل عن صحتها
وكيفك اليوم ومن دا الكلام لدرجة مرة ضمتني ودعتلي وقالت لي الله يرضى عليكي
دايما انتي تسألي عن صحتي
الله يرحمها ويغفر لها ويسكنها فسيح جناته
مدري قرقت كثير بس حسيت ان لمسه مني من غير ما اقصد غيرت كل حاجه
وشالت كل الزعل
هذي تجربتي وان شاء الله تستفيدوا منها