Good Girl
ممكن سؤالين من باب الفضول .. .صراحة أنا انصدمت ليش خطيبك ما شافك غير مرة وحدة !!!
و انا كمان ما فهمت شو هيه الملكه ؟ يعني هي كتب كتاب (عقد قران) ؟

برجع لموضوعك ..

الغيرة بالحب شي طبيعي .. هلأ أهم شي بدي ياكي تطمنيني انو انتي بتحبيه بس بقلبك ؟ ولا بعقلك و مقتنعة قناعة كاملة فيه ؟
شي تاني كترة الغيرة أحياناً بتدمر بعض الأسر ..
يعني انتي لو فكرتي بعقلك شوي بعيداً عن عاطفتك .. انو اذا كنتي واثقة من هالانسان انو ما رح يتصرف تصرفات خاطئة مع الممرضات لازم ما تغاري
و اذا واثقة انك معبية عينه فما رح يتطلع ع غيرك
شي تاني ازا كنتي خايفة يكونوا التركيات أحلى منك . .فبحب طمنك انو كمان الأتراك الشباب كمان (ممكن) أحلى من خطيبك
الغيرة تعاكس الثقة
يعني اذا في ثقة مافي غيرة و بالعكس !!
الله يخليكي تفكري بهالطريقة
لأنو عن جد هالشي كتيييييييييييير بوجعلك راسك و راسه
و هلأ انتوا بعاد عن بعض و بمرحلة الخطبة .. لسا ما ظهرت المشاكل
لما تتزوجوا صدقيني هالشغلة بتدمر حياتكن ..
لا تسأليه عن ممرضاته .. ولا عن الممثلات مين عجبتو و مين أحلى منك
خليكي واثقة بنفسك و بجمالك و واثقة فيه
و انتي كيف بتنظري لنفسك الناس بتنظرك
ازا انتي حاسة حالك حلوة الناس رح تحسك حلوة .. و كمان بتحسسيه بأنك حلوة
أنا متزوجة و في بشغلي شباب و لكن مافي بعد زوجي لا بالأخلاق و لا بالعقل ولا بالشكل و لا يمكن يعجبني حدا تاني لأنو هو معبي راسي و بحس محله ما ممكن حدا ياخده
نفس الشي هو .. متل ما انا عندي هالشعور بحس فيه هالشعور كمان تجاهي .. لذلك دايما مريحة راسي و هو مريح راسه .. ولا بيوم من الأيام اجا لبالي أو خطرلي بس خاطر أفكر انو بلكي فلانة عاجبته !!
اعذريني للإطاله .. و الله يوفقك و يكتبلك السعادة