اقتباس:
المشاركة الأصلية كتبت بواسطة ماريا 13
اهلا اختي ما عندي طفل بعمر بنتك
لكن ابني عمره سنتين ارسلته للحضانة كل يوم كان يروح من الساعة 8 للساعة 5
كنت كتير اشتاق له لكن متحكمة بعواطفي لأني بعرف انه من مصلحته يروح
لازم تفكري بمصلحة بنتك و تبعدي العواطف عن ذهنك
ما بعرف لو بنتي كبرت شو ممكن يكون رد فعلي لأني اشعر اني قلبي يحب بنتي اكتر من ابني يمكن لأنها بنت و تبقى ضعيفة انتي خايفة عليها
لكن ما دامك سجلتيها بمدرسة جيدة ارسليها و توكلي على الله
كل يوم حصنيها بالاذكار و علميها كيف تدافع عن نفسها و استودعيها الله
و مع الايام ان شاء الله بتنحل مشكلة التعلق
لا تبالغي بعواطفك و تتركيها تتحكم ببنتك
عندي قريبة كانت متعلقة ببنتها لدرجة لا توصف حتى كبرت و خطبها عدة شبان تم رفضهم لأن أمها متعلقةفيها
و بقيت البنت عانس عند أمها حتى صار عمرها 32 سنة و البنت زهقت و طفشت و اجاها شاب جيد ناضلت البنت و صارت تكره أمها و حرضت الناس ضدها حتى تزوجت بعد معاناة سنة من العذاب و الشاب يرفضوه و يرجع و يرفضوه و يرجع حتى تم النصيب أخيراً انتبهي انتبهي لا تطفشي بنتك و تعيشيها جحيم متل هادا!!
كل شي زاد عن حده انقلب ضده
الله يخليلك ياها و يحفظها
آمين
|
عزيزتي ماريا تسلمي ياقلبي على الرد بس عارفة دائما الطفل الاول بتكوني متعلقة فيه اكثر شيئ وبيكون خوفك عليه اكثر وممكن يكون الخوف زيادة لما تكون بنوتة بس تعاملي مع بنتي مختلف عن ابني بمعنى ان الخوف الزايد اللي كان عندي ايام بنتي بيختلف عند ابني لاادري لماذا سبحان الله ممكن تكون سنة الحياة ان الطفل الاول اهتمامك فيه غير بعدين بتتعودي انتي ماشاء الله عليكي فكرة انك ترسلي ابنك وهومازال بيبي للحضانة فكرة حلوة والولد بيطلع شخصيته اجتماعية ومعتمد على نفسه ياريت اكون قوية مثلك
الله يسعدك وتسلم الايادي