اقتباس:
المشاركة الأصلية كتبت بواسطة مهره
أعوذ بالله منها هذه الإنسانة!!!
يا أختي أنتم أصلاً ما كان يجب أن تقبلوا مجالسة هذه العجوز ولا الاستماع لها .. ما دمتم تعرفون طبعها ولسانها القذر.
لا حول ولا قوة إلا بالله .. هكذا القذف أصبح سهلاً يسيراً لدى بعض الناس!!!!!!!!!!!
أم العروس مخطئة تماماً في موقفها .. وحتى أمومتها لا عذر لها في أن تحرم ابنتها رجلاً صالحاً ـ بشهادتكم جميعاً ـ وتأخذه بجريرة أخته .. وأنتم أصلاً غير متأكدين من كافة التفاصيل كما قلتِ .. ناهيكِ عن أن المشكلة أصلاً قديمة جداً.
بصراحة لو فعلت ستكون ظالمة للرجل وأهله.
أم أنها تريد لابنتها ملاكاً ومن بيت ملائكة؟!!!!!!!!
|
ماندري عنها انها بهذا السوء ابدا .. ابدا .. نعرفها شريره لكن انها توصل لكذا الكل انصدم
القذف حتى في المنتدى يا مهره صاير بسيط عند البعض الله المستعان
ام العروس مانقدر نخطئها ... تخيلي انتي نفسك في الموقف .. يمكن انتو تخيلتوا انها قامت تصيح بأعلى صوتها والا فضحتهم والا ........ لا المره بكل خصوصيه عبرت لنا عن رأيها وعن خوفها على بنتها
وصدمتها ... والله حاجه تحز في الخاطر لما تعرفين ان اخت زوجك سوت مثل ما سوت هذي .. صح والا لا؟ بعيد الشر عنكم وعنا
غير متأكدين نعم لكن اللي اكد لنا ان اهل الولد ابدا ماجابوا سيره لبنتهم هذي وقت التعارف !!!!!!!!!!
وهذي صراحه حاجه تستنكر عليهم... ليتهم قالوا مسافره ليتهم قالوا بعيده اما اننا نكتشف بنت عندهم ومجرمه ومخبينها!!!!!!! والله صعــــــــــــــــــبه ..
ومن ناحية انها لو فعلت بتكون ظالمه ... مدري .. انا ما الومها ... لكن برضو قلنا لها انه حرام نحاسب الولد بغلط اخته .. وانه مايتفوت ابدا ... بالعكس الولد صاير مبدع في حياته وتعبان على مستواه علشان فعلا يأكد لنفسه وللناس انه ما انكسر لا هو ولا اهله ... هذا تحليلي له ...
وعموما الام هذي ما شكت خيط بإبره الا بزوجها... وهو طلب التكتم تماما على الموضوع ولا كأن احد سمع ... وهذا اللي صار
اما انها تبي لبنتها ملايكه .. لالالا ما فيه ملايكه غير الملايكه ... لكن هذا العيب برضو صعب .. الحمد لله انه مر وقت عليه
تحياتي لك مهره