هل أرفض المتقدم بسبب الرائحه المزمنه ؟
السلام عليكم ورحمة الله وبركـآته }
حابه استشريكم في شيء ~
أنا عمري 21 سنه الحمدلله ربي منعم علي بكل شيء اللهم لك الحمد ~
الآنسآن مبتلى في هـ الدنيآ !
وَ أن الله ابتلني بريحه في فمي مزمنه مابقى شي ء ماسويته تنظيف حشوات وتقويم ركبت وسويت تحاليل للمعده والحمدلله كل شي سليم !
كل يوم افرش اكثر من 3 مرات وغسولات للفم وحاله لكن مافيه فاايده
مشكلتي انو فيه طبقه صفراء ع لساني افرشها بملعقه اللسان ثمين ترجع واللثه عندي تعبآنه !
سويت كل شيء تعبت تعبت تعبت !
أنا هنآ ماابي منكم علاج أو خلطه لا أنا عندي كومه علاجات بالبيت وعندي قران وسجاده بصلي وبدعي وعسى الله يقبل مني ومنكم !
أنا جيت هنا بستشيركم !
بقولــــــــــــكم قصتي ويليت تسمعوني !
طبعاً أنا مشكلتي هذي معي من يوم أني في المتوسط تقريباً
طبعاً وضعي كان بالمتوسط أشد لاني كنت صغيره ولا أعرف شيء !
أما الحين الحمدلله تحسنت كثييييييييييييييير يآرب أحمدك !
صآر للي الحين 10شهور مركبه البريسز بس مازالت عندي هالمشكله خاصه اذا صحيت من النوم وطولت مآتكلمت !
لكن اذا فرشت أسناني تروح واذا اكلت تروح مرره بس مجرد أني أقعد مثلا ساعتين بعد الآكل ترجع !
بس أنا الحمدلله عآرفه لنفسي صرت مؤقته نفسي مجرد اني أجلس ساعه أو زيآده ع طول أروح أفرش
وأستخدام المضمضة والعلوك أنواع النكهات !
وخلاص أنا كيذا مالي الا هالحل لاني تعبت مابقى شيء ماسويت العلاجات واستخدامتها والاشياء الشعبيه واستخدامتها !
والله اذا تكلمت مع الشخص اللي معي مااحس انه يتضايق مرره بس أنا صآير عندي ثقة بنفسي !
بشكل أوب طبيعي صاير أخاف أقرب أخاف أوذي هالشخص ..
يعني ثقتي بنفسي طاااااااارت !!
الحكآيه
آنو أنا آنخطبت تحسبوني مثل البنآت فرحت !
الا قعدت أبكي وَ أبكي
وضآآق صدري !
المهم أهلي سالوا عن الولد وصار ماعليه خلاف أن شاء الله !
وَ قالت أمي استخيري !
طبعاً أنا مسكت وحدهآ من خواتي وقالت لها عن العائق هي متزوجه واكبر مني
وقالت هذا موسبب وقامت تهاوش ويالخبله وش هالكلام ومدري ايش !!
المهم أني استخرت عادي ..جاتني امي وقالت فلانه استخري 7 مرآت آحسن لك !
المهم أني استخرت 7 مرات ولا حسيت لا بضيق ولا برآحه !
وجآءيوم النظره الشرعيه !
وأنا قلبي بيطلع من الخوف !
المهم لبست للي تيور نعوم وضبطت شكلي ولا كثرت مكيآج بس كحل وقلوز !
وخواتي عندي اللي تضبط شعري واللي تقول لا تخافين وهم مايدرون اني من جوا مكسوره !
جاء أخوي قال لامي يلا وين بنتك
وانا يمه وش اقول لكم شعوري
مسكت صينه الحلا ودخلت وقلت السلام عليكم وطلعت بسرعه وانا قلبي يرقع يرقع !
وجانآ الرد من الولد بعد كم يوم أنه أوك ..وكل شيء تمآم أن شاء الله !
وبعد فتره جوا أهله (أمه وخواته )
وطلعت وقعدت معهم مايقارب ساعه واسالوني الاسئلة المعتاده وش تدرسين وكيذا
ثمين جوا أبو الولد والولد وخطبوا رسمي !
والولد كلم أخوي ع التحليل أن شاء الله !!
وجاء يوم التحليل ورحت اسوي في نفس ذاك اليوم
قعدت ابكي بشكل فضيييييييييييييييييييع
واصلي وادعي واقول يارب يصير غير متطابق ويتفركش كل شيء
في هالايآم اللي قبل نحفففففففففففففففففففت بشكل !
تخيلوا أصلا أنا وزني 55 وطولي 165خلقه نحيفه نحفت أكثر !
الكل لاحظ صديقاتي ...يقولون أنتي فيك بلاء !
نحفك وااضح !
في البيت اذا جلست وتذكرت مشكلتي أقعد أصييييييييييييح بشكل والله مااكذب عليكم بدرجه الشهاق
كني للي أحد ميت !
المهم أني دخلت في منتدى وشفت وحدها مثل مشكلتي بس اصعب لا هي الريحه من الفم والانف !!
والادهي هي متزوجه سالته عن الاوضاع قالت زوجي متفهم قلت لها انا موب طوول اليوم فمي فيه ريحه قالت عادي تزوجي وَ أختي تقول تزوجي !!
وبعد كم يوم طلع التحليل وصار متطابق !
يعني خلاص أن شاء الله !
الحين أنا أبي أقول لاهلي أني ماابي اتزوج خلاص !
خااااااااااااايفه وبموت من التفكير !
أنا قريت قصة وحده تطلقت من هالسبب بعد شهرين وانا ماابي اصير مثلها أن شاء الله
بس شلون أجيب عذر !
تكفون شورا علي !
أتزوج والا لا ؟؟؟
اخلي الامور تمشي ولا أبين لاهلي ؟؟
والا اعترضت ؟؟
التعديل الأخير تم بواسطة وردة بين الثلوج ; 18-01-2010 الساعة 04:27 PM