اقتباس:
2- ولا تنس أن تجعل الله هو المحبوب الأول والأخير
لأنه لا أصلح ولا أنعم ولا أطيب لقلبك من حبك لله وأن تجعله غايتك وتجعل رضاه هدفك
|
محد يختلف ابدا في هذي النقطة .. حب الله وحب الرسول عليه السلام لازم يكون قبل كل شيء ...
بس انا احب اوضح نقطة مهمة جدا .. انا هنا جالسة اتكلم عن الغذاء العاطفي وليس الروحي
يمكن فيه ناس كثيرة عندهم التباس في هذي النقطة .. النفس البشرية محتاجة تغذي
1- الجسد (بالطعام و الفراش )
2- الروح (بحب وطاعة الله والتقرب منه)
3- العاطفة
الاختلاف هو في مدى حاجتنا لهدي الاغذية .. لو ما غذينا اجسادنا بالطعام راح نموت وما نقدر نعيش في المقابل ممكن نعيش بدون فراش
===> عاد افهموها انتو
وغذاء الروح هيا الطمانينة والسكن الناتج من التقرب الي الله وجوع الروح هيا المعيشة الضنكة الي قالنا عليها ربنا في القران
" ومن أعرض عن ذكري فإن له معيشة ضنكا"
احنا ما نقدر نعيش بدون الغذاء الروحي حتى لو توفر الغذا الجسدي او العاطفي .. لانه من اهم اسباب السعادة
الغذاء العاطفي احنا مقفلين عليه .. وجيعانين واحنا مو دارين عشان كدا اول ما تلاقي احد يذوقنا هو نحس بشعور غريب وحياة اجمل واسعد ..
وهذا بالضبط الي حصل مع اخونا الكريم الي متزوج اثنين ومو قادرة على فراق الثالثة ..
فليش احنا ما نغذي عواطفنا دام انه قادرين ؟؟ وليش استنى يجي احد ثاني يطعمه زوجي عشان اصحى ؟
انا هدفي من الموضوع هذا كله هو هذا الغذا "
غذاء العاطفة"
انا حبيت اعمل هذي التجربة عشان ابغى اعرف النتايج ؟؟
زمااان كانوا الناس يعيشوا ويموتوا ويمكن مايعرفوا حاجة اسمها غذاء العاطفة مكتفين بالجسد والروح ...بس الوضع صار عندنا غير
مع العولمة والتقنية .. الانسان غصب عنه يشوف ويعرف .. والنت قرب البعيد المسلسلات والقنوات او غيره صار لها تاثير قوي
جدا على شبابنا وبناتنا ... بس زعلانين ونتسائل ليش ما في احد يحبني زيهم ؟؟
وشكرا جزيلا على مداخلتك سُعدنا بانضمام لنا ..
واعذروني اذا كانت افكاري ملخبطة او لا تتناسب مع افكاركم
احترامااتي لكم جميعا