ماشاء الله عمر طفلك المفروض ياكل طبيعي مثل اكلكم
بس يمكن فعلا جايته عين من الشغالة
او انه مل من الاطباق المتكررة ويبغى شي متغير
او انه مل ياكل لوحده وانتي مشغولة عنه بالدراسة وتتركيه لوحده
تعرفي الاطفال لهم مزاجات
انا ابني كل فترة له اكله معينة بيركز عليها وياكلها يوميا لدرجه ان انا امه اطفش
ياكلها فطور وغدا وعشاء ماينوع عليه حركات
بعطيك مثال جاته فتررة ركز على الزبادي مع التوست يوميا وهذا موصحي لازم ينوع في الاكل
بس خلاص هو اذا حب الشي يركز عليه لمن قلت لأبوه خلاص لاتشتري زبادي قعد يبكي فترة لمن نساه
هالفترة مركز على زبدة الفول السوداني مع المربى واحسه ثقيل بس هو عنيد خلص ماياكل غيره
قلت لابوه خلاص بطل تشتري بنات بيتر والحين هو يحن يبيه بس انا اغصبه على انه ياكل معنا والحمد اضطر انه ياكل من أكلنا بس شكله بيلتفت للكورن فليكس والله يستر
بعطيك طريقة يمكن تنفع مع ابنك حاولي انك تغريه مثلا تقولي له اذا اكلت الطبق حقك بطلعك للألعاب او بشتري لك هدية او بسوي لك حفلة او اي شي يحبه
انا ساعات هالطريقه تفيد مع ابني
وعموما الاطفال يحبون اكل المطاعم المغرية مثل الوجبات السريعه سوي له مثلهم بالبيت
اقلي له بطاطس وسوي له ساندويش دجاج او برجر لحم وزينيه بالخس والكاتشب طبعا كله بالبيت مو جاهز
وصبي له عصير بكأس حلو عليه شخصية كارتونية بيفضلها وبيها مصاصة وقدميها كأنها من مطعم
كذا بيفرح وبياكل انا كذا بعمل مع اطفالي مع ان بنتي خلاص كبرت وقامت تعرف انه مو من برى بس انا فهمتها ان مافي فرق بالعكس اكل البيت اصح وانفع والحمدالله اتعودت
اعذريني ثرثرت واجد بس حبيت اعطيك بعض الحلول يمكن تنفعك
تحياتي
__________________
اللهم احفظ اطفالي من كل سوء يارب
اللهم اهدهم واصلحهم ووفقهم
التعديل الأخير تم بواسطة لوليته ; 09-01-2010 الساعة 03:51 PM