حبيبتي الله يفرج كربك يا رب
بس انا بنصحك لا تكوني طيبة لهي الدرجة ابنك اولى من زوج اختك وسيارات اخوانك خايفة تغضبي امك ومو خايفة من يوم يقلك ابنك الله يسامحك يا امي حرمتيني من طفولتي
وانتي عليكي تبري بأمك انك تعطيها مصروفها مو تصرفي على العيلة كلها شو هالحكي
وبالنسبة لزوجك عوديه انو يدفع لو مكره او مجبور خليكي قوية لا تكوني طيبة زيادة عن اللزوم
انا موظفة وبعطي والداتي واخواتي بخاطري مو مجبرة والحمد لله زوجي كافيني من كل النواحي بس لو بدي ما بعطي بس طالما موجود معي ليه لا حتى ماما بتقلي وفري فلوسك اشتري فيهن شي لمستقبلك
لازم والدتك تقدر وضعك يعني انتي مو صاحبة بنك دولي لتصرفي على ديون زوج اختك ولا اخوانك
ولا حتى زوجك يعتمد عليكي النفقة من اول حقوق الزوجة على زوجها اذا مو مشانك مشان هالولد كيف بدك تربيه ومن وين بدك تجيبله
وليش لتحرمي نفسك الطلعات والبسط كم عمر رح تعيشي
"إن الله يحب أن تظهر نعمه على عبده" ربنا اكرمك بوظيفة وراتب مو مشان تحرمي ابنك ونفسك
ما حدا رح يبقالك غير ابنك
ارضي والدتك بس بالمنطق ولازم والدتك كمان تفكر فيكي مو بس بأخواتك
وتذكري دايما زوجك على ما عودتيه وابنك على ما ربيتيه عوديه يصرف عليكي لا تستكيني
الله يفرج همك