اوكى جميل واكيد انت صادق طبعا لانك محتاج مساعده
الاول هتصلى ركعتين لربنا تدعيه يشفيك من مرض السمنه وانه يقدرك على انك تشفى ويساعدك
لازم تقتنع ان السمنه مرض زى السكر بالضبط لازم تتعايش معاه وتغلبه
هنبدأ الخطه من بكره الصبح بإذن الله وهنشوف بعد اسبوع الاخبار ايه
- عاوزاك تقعد مع نفسك وتقرر انك مش هتشترى اى لبس لحد ما توصل للوزن اللى انت عاوزه
- تحت اى ضغط مش لازم تشترى لبس جديد
عاوزاك تجيب ورقه وتكتب فيها التاريخ بكره بإذن الله وتحط الوزن ومقاس الصدر
الوسط
الارداف
الورقه دى تخليها فى مكان قدام عيونك الصقها على الدولاب او بأى مكان واضح وتكون ورقه كبيره
لازم تعرف انك انسان ولو اخفقت يوم مش مشكله هتعوض اليوم اللى بعده صدقنى اول ما هتشوف النتيجه هتنبهر
بس امانه عليك لو ربنا كرمك تدعى لى انا واولادى بالستر والرزق وان ربنا يهديهم لى
خلى عندك ميزان كويس توزن عليه هو بس كل يوم

الخطه انت بتاكل شيكولاته قطعه حجم نصف الكف يوميا
ونسكافيه وشاى وكولا
جسمك مدمن عالكافيين والسكر
لازم الخطه مبدئيا تستهدف الادمان ده لحد ما تتخلص منه

الخطه مدتها 21 يوم
بعدها لازم لازم تقول لى انت عملت ايه ظ

بسم الله

الشاى 3 اكواب كل كوب ب 3 ملاعق سكر ________________ هنقلص السكر لملعقتين بس فى كل كوب
القهوه تبقى كوب واحد او فنجانين وسط بس حتى لو من غير سكر
الكولا نفس الكوبين_______________________ اظنهم كانز خليهم زى ما هم بس كانز ماكس او دايت
الشوكولا قطعه بحجم نصف الكف يوميا ________________ القطعه تكون مرتين فقط بالاسبوع وارجو الالتزام لو سمحت
لو هتشرب عصير يكون المراعى بدون سكر وارجو الانتباه لذلك
لو بتشرب لبن او تضيفه لمشروب ارجو يبقى منزوع الدسم وكذلك الحليب والزبادى ويكونوا بدون طعم او اضافه فواكه
لو حابب ضيف انت اى فواكه طبيعيه عليه بدون سكر
النسكافيه اوكى بحليب منزوع الدسم او ساده زى ماتحب ______________بملعقتين سكر بس كل كوب

هنتقابل الخميس القادم بإذن الله لانك هتبدأ من الغد بإذن الله ونشوف وزنك نزل قد أيه......
اخلص النيه وربنا هيوفقنى ويوفقك بإذن الله
سلام
لو قابلتك صعوبات ابعت لى كل يوم انا هدخل اشوف اخبارك ايه