أنا معاك يا قلبي ،،

بس بأقول لك السبب :

1 - إنت تعرفيه أكثر مننا ، نحن بنحكم من كلامك و من تصرفاته معاك ،، و كلها تخلينا نقول إنه ما ينفع لك
هذا اللي خلاني أشجعك على الإنفصال عنه ، و لاحظت إنك عاقلة بنصرفاتك و هو الصراحة من بداية الموضوع حسيته
ما يستاهلك

2 - افتكرت حالي أيام ملكتي ، كنت كل أسبوع لازم أبكي ،، و كانت زوجي عنده عيوب ماحد يتحملها
بس تحملتها و صبرت و كملت المشوار ،، لإني لقيت شئ واحد ينقص أهلي ،، أهلي كلامهم قاسي و جارح مع إنهم
طيبين ، بس لإن أمي تربت تربية قاسية ، بس هي حنونة و ما تعرف تظهر مشاعرها ، و أنا طبيعتي غير ..

زوجي كنت أجرحه ، بس كان يتحمل و يجي يعتذر لي و أنا اللي غلطانة أو حتى لو هو الغلطان ..
لإنه كان شايف إني قبلت فيه و هو ما يستاهلني و أستاهل واحد أفضل ، بس كنت أقول له لا تقول الكلام هذا لإنه
يضايقني ،،

أنا تعبت الصراحة في بداية زواجي ،، و لو كنت أدري ما كنت تزوجت
بس الحمد لله ، إنه زوجي تغير للأفضل دحين و تحسن ،

و زي ما قلت لك ، اللي خلاني أصبر و أتحمل ، إنه كان ( كلامه حلو و يداري مشاعري )

------------------------------

بس أنا ماني شايفة خطيبك بيراعي مشاعرك ،، لإنه أتووقع الحرمة ممكن تتحمل أي شئ
لكن ما تتحمل إنه زوجها يكسر فيها ، و يتهمها كل شوي و يلومها و ينتقدها

عشان كذا ، أنا لو مكانك ما أتوقع بأتحمل و بأتركه و أنا ماني ندمانة ..
لإنه يهمني بالدرجة الأولى إنه زوجي يراعي مشاعري ، لإني ( حساسة جدا ) و هذا أعتبره عيب و أحاول أتخلص منه

-------------------------------------------------------------------

اللي خلاني أقول لك فرصة أخيرة ..

1 - استغربت تمسكه فيك ؟ يمكن يبغاك تحبيه ؟ بس ما أشوفه عمل شئ عشان يزيد من رصيد المحبة بينكم ؟؟؟؟

2 - رسايله لك ؟ بس ماعرف ليه بيعمل كذا ؟ اللي يحب التاني بيبذل أي شئ عشان لا يخسره ؟؟؟؟

( يعني جاتني فترات مثل ما مريتي بها ،، و كنت أقول له كل واحد في طريق ،، بس كان زوجي وقتها يبكي ،،
و يوعد يسعدني بأي طريقة )

يعني ماني شايفة خطيبك بيتقدم أي خطوة للأمام ؟؟؟ ماني شايفته بيعمل شئ عشانك ؟؟؟
أحسه أناني ، همه نفسه و بس ..

-------------------------------------------

عزيزيتي ، أنا ماني ضد انفصالك عنه ،، بس أكره مواضيع الإنفصال ،،
و أحاول دايم أجرب كل السبل ، عشاني من الناس اللي تلوم نفسها دايم ، و حسيتك إنت نفس الشئ ..
عشان كذا ، كل شوي بتسألي ؟ أنا غلطت ؟ أنا مقصرة ؟؟؟؟

أنا أبغاك تعطي فرصة أخيرةة للمصارحة ، مو علشانه هو

( علشانك إنت ، علشان ترتاحي خلاص )

و خلاص إذا ما تبغيه ،،
طنشيه ، و قولوا للناس إنكم فسختوا الخطبة ..
خلي الموضوع يوصل للكل إنكم تركتوا بعض ، و قفلي جوالك و اقطعي اتصالك به نهائي ..

خلي الموضوع على أهلك ، و لا تكلميه و لا تناقشه ،،
امسحيه من حياتك و عيشي حياتك

عرفتي دحين ؟؟؟
ماعرف إذا قدرت أوصل الفكرة و لا لأ ؟