بصى

مساء الخير الاول

صلى على النبى..........عليه الصلاه والسلام

جوزك تاب واناب حلو اوى.........
انتى مولعه نار ونفسك موووووووووووووووووووووووت تقفشيه وهى فى حضنه عشان تولعى فيه وتطلعى القديم والجديد، وكمان تقولى لروحك انتى كنتى صح يا يناتى غيرونى ن هو خاين، هو زفت ، مش هيتغير، لازم اولع فيه

كل ده عشان انتى اتخنقتى اوى من خيانته وثقتك فيه كانت عاميه، ويمكن عشان كبتتى مشاعرك فى الزعل منه ، ويمكن عشان انتى كنتى عاوزه طريقه تانيه تشوفى بيها اللى حاصل او ما تشوفى اصلا يعنى جلد ذات

المهم هو عاهدك
حلو
هيخون تانى ؟
اه ، يمكن ، لا ، احتمال ، مش ممكن ابدا ، اه اكيد
شفتى كام إجابه
شفتى كام احتمال

الدكتور عيعرفك نقط قوتك ودى بالراحه مع نفسك تقعدى وهتعرفى تشوفيها
وهيعرفك نقط ضعفك وتصدقى بالله حتى ما هيقولك تعالجيها ازاى بالعكس هو هيوريها لك ويديلك ادوات تخليكى تختارى تعدلى نفسك وتقويها ازاى
بالنسبه بقى لانه يساعدك انك تنسى ...هههههههههههههههههههههههههههههههههههههه
بضحك على واحده صاحبتنا راحت للدكتور تقوله انا عاوزه انسى اللى حصل لازم تخلينى انسى اللى حصل ادينى حاجه تخلينى انسى اللى حصل
لا اله الا الله

لا مش هيخليكى تنسى اللى حصل هو هيساعدك تفكرى ازاى تواجهى الموقف لو اتكرر تانى
ودى نصيحتى ليكى

دورى براحتك من غير ما ياخدة باله......ولو شفتى شى إكتميه وما تتكلمى وقولى لنا ونرشدك
اما بقى انك نكديه وهيدور على غيرك حبيبتى اللى عاوز يبص بره هيبص بلاش الفكر ده
انتى ما تبقيش نكديه عشان نفسكلآن النكد هيبقى داء وهتصدقى انك نكديه وده هخليكى تصدقى انك انتى السبب وبعدها تعاقبى نفسك بمزيد من النكد والشك والقرف

انتى ثقتك فيه عمرها ما هترجع زى الاول تانى يعنى خلينا نكون صرحا مع بعض
هو عاهدك اه دى حقيقه بس الله اعلم وده مش تشكيك فيه لا بالعكس ده حرص عليكى

احبب حبيبك هونا ما وابغض عدوك بغضا ما
يعنى بلاش تندلقى على بوزك فى الثقه والحب اوى زى الاول
انتى بصى كل االى يشغل بالك دلوقت انتى ونفسيتك ودى مش هتتعدل ابدا الا لو يا مسكتى عليه حاجه تانيه، يا إما بجد تريحى روحك من جواكى وتأمنى له 90% والباقى يبقى عيون مفتحه

وتشوفى بقى لو كررها هتعملى ايه؟؟؟؟؟؟؟؟؟؟
وترتبى نفسك عشان لو حصل لاقدر الله تبقى عارفه هتتصرفى ازاى وتبقى هاديه وفزعه المره الاولانيه صدقينى مش هتتكرر تانى لانك بقيتى اقوى
الضربه اللى ما تكسرك تقويكى
ولو ما اتكررتش باذن الله اديكى عرفتى قدرك قدام نفسك وعرفتى ان الامان مش راجل
الامان قوتك ومداها وتفكيرك السليم
اعتبريه اختبار لروحك يا ستى
وشوفى هتنجح بينك وبين نفسك وللا لاء

__________________