انا عاذره موقفك بس بالعربى الفصيح
افسخى الخطوبه
حرام عليكى روحك

انتى ما اخدتى بالك من كلمه مهمه
ماعلينا من تسجيل ابوه
الشاب قال لك انا بخسر ابوى عشانك

انتى مش فاهمه الكلمه طبعا ولا اللى وراها
ربى يعلم انا مش بعصيكى عليه والله بس انا عندى بنت وولد يعنى لو غشيت حد فى المنتدى لهوى فى نفسى او غرض ربنا مش هيكسبنى ابدا

نفسر الكلمه
انا مضحى بابويا عشانك ( الكلمه اللى ورا ده مستخبيه أنتى هتضحى بمين عشانى ؟)
أنا مضحى بابويا عشانك ( هتقدمى لى ايه قدام التنازل الفظيع والتضحيه الرهيبه دى ، التمن أيه يا خطيبتى ، لازم يكون تمن محرز )
انا مضحى بابويا ( خللى بالك احنا كده خالصين مالكم فضل على لا فى انى قدمت مهر قليل ولا فى انكم ساعدتونى )
انا مضحى بأبويا ( نغمه حلوه هلعب عليها - ضحى بشغلك ما انا ضحيت بابويا - ضحى بامك ما انا ضحيت بابويا - ضحى براتبك ما انا ضحيت بابويا ..........الخ الخ الخ مسلسل التضحيات ده مش هينتهى وهتفضل معاكى لحد ما اولادكم شعرهم يشيب .......
انا مضحى بابويا ( خليكى تحت ضرسى ده انا عملت اللى ما يتعمل )
أنا مضحى بابويا
حبيبتى اللى يضحى بأهله عشان ست مهما ان كانت روحه فيها بصراحه ما يتأمن بكره يضحى بيكى عشان اى سبب اذا ضحى باللى سبب فى وجوده هيصونك انتى ياللى يادوب بينك وبينه ورقه تفسخها كلمه طالق