احساس عمرى معلش ما تزعلى نانى ما تقصد والله هى بس متحيزه للزوجه الاولى وده حقها فى التحيز وكلامها عنك اكيد مش مقصود لك بذاته

اخى صاحب المشكله ونانى كمان وكل اللى قال ان البنت اكيد مش مستنياه
لا مستنياه وربنا بس اللى يعلم بس هو قال انها متعلمه وحلوه وغنيه وشابه !!!!!!!!! يعنى الف واحد يتمناها خاصه وان ابوها راجل غنى ومحترم

عادى ساعات البنات ما ترضى تتزوج عشان بس ما يفوتها القطار لا بتتزوج اللى تقدر تقوله بحبك من قلبها ولسانها وبتعتبر ان الكلمه دى لو قالتها طق حنك بس للزوج لمجرد انه زوج تبقى غشاشه .........

المشكله يا اخى انك انت مشيت فى حياتك واتجوزت وكأنك اجبرت ( انا مش بهاجمك ) بس بص كده على موقفها هى عملت ايه هى اللى ست عملت ايه ؟
رفضت تخون عقلها وقلبها ( دى تصورات ممكن تقبل الصح او الغلط )
مين قال انك لو اتقدمت هتقبلك؟
هل انت مخطط حياتك للحرب الضروس اللى هتدخلها مع اهلك وبيتك؟

مالكش حل الا انك تتجوزها وتطلبها للمره الاخيره لان لو استمريت على ان مشاعرك لو اترفضت لا قدر الله بنفس السخونه دى هتخسر نفسك قبل اى حد هتنقم على حياتك وهتشوف روحك ضحيه .
انت مش ضحيه انت عشت حياتك وخلفت .......يعنى مش ضحيه بص للوضع كويس عشان ترضى باللى ممكن يحصل وتتحضر له
ثم انت فى بحبوحه ماديه تمكنك من فتح بيت تانى
هل هتعدل
هل ناوى تخلف منها
هل انت مستعد تطلق لو مراتك طلبت ده
هتراضى زوجتك ازاى

معلش كلامى ملخبط بس دى كلها افكار فى دماغى
اعذرنى

لو ما كانش فيه نصيب خلى ذكراها يادوب سحابه صيف حلوه عدت عليك فى غز الحر رطبت قلبك ........وكل ما يشتد عليك الحر تستدعى السحابه دى فى خيالك وتبتسم وبس عشان نفسك صدقنى

__________________