والله واضحه الحركه من الاول انه ناوي يحطها براسك من ناحية الرفض ...وقلتها لك...

علشان هو يطلع سليم وطيوب وانه مغلوب على امره قدام اهله والناس ... لان هذي حركه ترفع اسهمه وتحسن من صورته اكثر لو حب يخطب مره ثانيه ...

ويابخت من طلع مظلوم ولا طلع ظالم عند ربه وعند الناس كمان


زوجك ياعزيزتي بكل اختصار من النوع اللي مايتحمل الضغط والدليل انه هو اللي بدا بمغالطات الكلام عن الصاله وانه ممكن يخليها في فندق وطلعك انتي اللي مو فاهمه... وراح عند اهله واساء لك

وفوق كذا هرب من حل المشكله واستغل كلمة ( مغترب ) لأنه معروف عن نفسيات المغتربين كيف تكون تعبانه في البعد عن الاهل

وعلشان انتي لما ترفضين في هالفتره تطلعين انسانه ماعندك احساس ولا راعيتي ظروفه... وكمان يقول انتظري ... يبغاك تملين وتزهقين .. وتعملي وحده من ثنتين.. يا تسامحين بدون اي حساب او تطلبين الانفصال وفي كلا الحالتين انتي خسرانه ..

فيه تبلد والا كيف قدر يصبر شهر ..........! على موضوع تافه جدا... بكره في الحياه الحقيقيه اذا زعل وش بيسوي؟؟؟؟

بصراحه عيب الرجل عندنا يسوي مثل حركة زوجك وعلى صاله !!!! عيب جدا فما ادري اذا انتم غير عنا؟ فلو رجل عندنا عملها وسوى منها هليله مباشره اهل البنت يطلبون الانفصال لأنه يعتبر مخه صغير ويتدخل في امور نسائيه اذن هو مو رجل ابدا..

بكره بيجون عيال وبنات واولاد ومشاكل وضغوط .. مع كل مشكله بيسافر اربعه خمسه شهور؟؟؟؟؟؟؟؟؟؟؟؟؟؟؟؟

والكلام اللي قلتيه لأمك ... هو خاص عنه ؟ هل هي عيوب فيه؟ والا هل هي مواقف عابره؟

بعض الرجال عادي عنده الكلام يحصل بين البنت وامها

وبعض الرجال يموت الف مره لو اهل زوجته دريوا حتى عن اخر مره شرب فيها كاسة مويه والا نام الساعه كم !!! من باب ان البيوت اسرار .. وممكن توصل للطلاق

يعني فيه رجال صعبين جدا من هالناحيه ولا يحبوا كلمه تطلع عنهم عند اهل الزوجه وفيه رجال لا عادي عندهم







احب اقول لك انتي شجاعه انك ماطلبتي الانفصال خلال هالشهر

وكملي معروفك وانتظري لشهر ثلاثه .. الله يكون بعونك .. الا اذا انتي خلاص كرهتيه ومش مقتنعه فيه لا هو ولا اهله كعائله لأبنائك فيما بعد ....ومستعده لأي شي..
وقولي له انتظرك لشهر ثلاثه لكن يطول الزمان والا يقصر رح نجلس جلسه ونتفاهم... لا تفكر الوقت حينسيني ...



وبعد شهر ثلاثه اي مماطله منه انتي حره انك تنفصلين .. ساعتها تقدرين تقولين له وبالفم المليان .. صحيح حصلت مشكله بينا.. لكن جيب لي بيت مافيه مشاكل.. انت ماحاولت نحل المشكله .. ونقلت كلام غلط عني عند اهلك .. وغالطت نفسك قدامهم واوهمتهم انك مستعد تعملها في فندق وانت اكثر واحد عارف هالكلام انه مهو صحيح وعارف انها حركات حريم و انذال بعد...وكله علشان انا اطلع غلطانه... وكنت اناني بقطع الاتصال معاي.. واناني بتركي انتظر اربعه شهور على موضوع جدا تافه .. ولسا كمان فيها انتظار... روح تزوج لك حيطه والا كنبه ماتحس بإنتظارك اما انا بروح اعيش حياتي..


خلال هالفتره عيشي حياتك .. اعملي رياضه .. تعلمي طبخات .. اقري كثير عن الحياه الزوجيه ... واكثري استغفار وصدقه قد ماتقدرين.. وادعي ربي انه يختار لك الخيره الطيبه وانه اذا فيه خير لك يعجل به واذا فيه شر يصرفه عنك..

منها تنشغلين ويمر الوقت ومنها تستفيدين سواء كملتي معاه او لا ... لا توقفين انتاجك عند هالمشكله خليكي ايجابيه

ومن الان فصاعدا .. اذا حصل وانحلت الامور ... ما تدخلين لا اهلك ولا اهله بينكم ابدااااااااااااااااااااااا ولكن برضو فيه عيوب لابد من مواجهتها وتغييرها

وانتي بعد فيكي عيوب لابد من تغييرها .. تجلسون سوا وتتصارحون وتحلون اموركم



كان الله بعونكم