المشاركة الأصلية كتبت بواسطة fatoushi

مامعنى الا ابعد النجعه
مافهمتش والله معنى الكلمه

المهم والله ما بتهكم ولا حاجه .......انا بتغاظ بس....كل حاجه واحد له مزاج فيها يقولك الدين والرسول لما بجد خلوا الواحد طلع من هدومه
انا اللى عاوزه اقوله الراجل كده يبقى راجل ويقول هعدد انا حر ومش حرام
انما اصل ده فرض او الرسول عمل كده
هرد عليه والرسول ماقبلهاش على بنته
وان خفتم الا تعدلوا فواحده ولن تعدلوا........
والله اللى عاوز يعمل حاجه يعملها دون تمسح او ايجاد تبريرات بس يتحمل عواقبها

ونتكلم بصراحه اكتر واكتر
لما كنت زوجه وحيده كنت رافضه التعدد
ولما بقيت مطلقه بقيت معاه عارف ليه
لان دى فرصتى الوحيده كأرمله او مطلقه او عانس
ما اظنش فيه صراحه اكتر من كده

وفى كل وضع عندى من القرأن والاحاديث مايعضد الاتجاهين رغم انهم معاكسين لبعض تماما
الست اللى مع التعدد وبتدعو له دلوقتى لاتخرج من الحالات الثلاث اللى انا حاله منهم او انها فعلا زوجه تانيه
والراجل اللى هيموت ويعدد معظم الوقت ما بيروحش الا لواحده من الفئات التلاته دول يعنى الفئتين متفقين مع بعض بس من غير ما يصرحوا بده
انت فاهمنى؟
الضرر فى البقاء او الكطلاق ده لكل حاله وضعها وكل واحد ادرى بحالته واهل مكه اعلم بشعابها
ولو كان المثل غلط فوتها......ماتقفوليش عالواحده

فيه ست تتحمل وست لاء
يعنى اللى غيرتها نار طلاقها احسن لانها هتقيد البيت حريقه والكل هيخسر
واللى صبوره هتتحمل

المشكله كمان حاجه مهمه الست بتقول لو هى رافضه البقاء مع معدد
اشمعنى انا اللى اضحى عشان العيال واستمر معاه وهو فى حضن واحده تانيه وهو ما ضحاش وجه على نفسه عشانهم ده ربنا هيحاسبنا احنا الاتنين على العيال دول احنا الاتنين