لا اتمنى ان تصل المشكلة الى الطلاق ..
ان شا الله راح تتعدل زوجتك .. واذا كلمتها بالكلام الحلو ان شا الله تتعدل ..
من ناحية حقدها على أهلك وعلى بنتك .. شف نفسك أول يمكن ما تعطي زوجتك فرصه .. يعني يمكن انت دايما مع اهلك أو بنتك .. يعني ما تعطي زوجتك وجه ..
لكن نظرها للرجال هذي هي المشكلة اللي لااااازم تشوف لها حل ..
وانت لو انك من الاول ما غيرت اسماء خواتك من جوالك كان ما حاولت فيك بأشياء ثانية من ناحية أهلك يعني ..
لا تفرط بحبك لزوجتك وحبها لك ..
ان شا الله هذي مشاكل تعتبر بسيطة .. وتقدرون تحلونها ..
..
تخيل لو تاخدة وحدة ما فيها ولا شي من صفات زوجتك السيئة .. وتتصل بأهلك وتعايدهم وتحبهم وتحب بنتك .. لكن انت ما حبيتها ولا جا في قلبك اي ذرة حب لها .. ما راح تعيش حياة حلوة مهما كانت ..
حاول معها بجميع الطرق لو بالكذب ..
جب لها هدية وقل هذي من اختي فلانه .. وهذي من أمي .. لو أنت اللي شاريها .. وان شا الله راح تحبهم ..
ولا تأمرها وتقول كلمي على أمي وعايديها .. وانت تعايد أمك بالتلفون قلها (يللا يميمتي خوذي فلانة{زوجتك} تبي تعايدك .. أو تبي تسلم عليك )
كذا أحسن من الأمر .. الانسان بطبعه ما يحب أحد يأمره .. يعني اذا تبي أي شي تطلبه منها لا تأمرها .. لمح لها ..
وقل لبنتك الكبيرة وش رايك نمر على محل ورود ونشتري لعمتك _زوجتك_ ورده حلوة .. والله اذا ما حبتها فقلب زوجتك حجر مو قلب ..
أتمنى لكم حياة سعيدة لا يشوبها أي مشاكل ..
__________________
