قرأت قصتك يا اختي الكريمة
وانا بحكم اني مخطوبة متلك عم بفهم مشاعرك كتير منيح
انا من بداية خطبتي بعامل خطيبي بطريقة حلوة بلاقي اغلب الشباب بحبوها وهي انك تسايريه وتعملي حالك مقتنعة نوعا ما برايه ولا تحسسيه بحياتك أنك ند لاله حسسيه انك تحت جناحه وكل شي بالدلع والغنج بصير برأيي ما تعاندي خطيبك بأي موضوع وبأسلوب ذكي اقنعيه بلي بدك ياه
بس بالنسبة للي صار معك اقلك الصراحة انا لو مكانك يمكن ما اتحمل هو انا حساسية شوي يعني مزودتها بس بنصحك تتذكري مواقفه السابقة معك اذا اغلب الوقت بلاقي الحجج ليفك الخطبة اتركيه ولا تسالي عنه اما اذا هالمرة قالها عن عصبية اتصلي فيه انتي وتودديله ودخيلك اذا بتوقف القصة على قاعة افراح بسيطة روحي شوفي ذوقه بالقاعات بركي عجبك
وبالنسبة لموضوع اصحابه يلي ما بيفك منهن هاد موضوع خطير لازم تتعاملي معه بحذر انا خطيبي هيك كان
واكتر من هيك كل يوم بدو يطلع مع اصحابه استشرت عمي يلي هو والد خطيبي قلي كل ما يقلك بدي روح ساعة مع اصحابي قليله روح ساعتين وخليكي مروقة ما يحسك زعلانة او متجاكرة بردي قلبك على الاخر بتلاقي رجع لعندك ركض وكل ما طلع معهن اهتمي بطلعته وانو انبسط فيها او لا وقبل كل طلعة مع اصحابه اتصلي فيه وتمنيله اوقات سعيدة وانك انتي ناطرتي على نار ومشتاقة ليرجع
انا عملت هيك وهلأ خطيبي مع انو كل واحد فينا ببلد بس بطل يطلع مع اصحابه بيضل بالبيت المهم ما تعانديه
وان شاء الله يا رب الله بيهدي سرك وبيخترلك الخير