أختي

ترى أنا ما أبغى أعارضك ، أنا تقريبا مشكلتي تشبه مشكلتك

حماتي تضايقني في أمور عديدة و ما أبغى أتكلم عنها عشان لا أفتكر

بس بأقول لك على أمور و نقاط ممكن تفيدك و علمتها نفسي :

1 - كنت أتمنى إنه ربي يرزقني حماة أعتبرها مثل أمي ، لإني أحب الستات الكبار و الدليل حماة أختي تحبني كثير

و جارات أمي لكن المؤمن مبتلى و ربي بلاني بها ، و لا يبتليني في صحتي لا سمح الله و لا في أولادي

إيش الحل و العلاج ؟؟؟؟؟؟؟؟؟؟؟؟؟؟؟؟؟؟؟


1 - نحن نبري ذمتنا ، عشان الدنيا زائلة ، و ما نبغى نشتري دنيتنا بآخرتنا علشان كذا تعلمت إني أصفي نيتي

( صفاء النية ، و بنفس الوقت ما أكون غبية ، و أكون رسمية في تعاملي ، و نفس الوقت أراعي حدود الله )

يعني ما أظلمها بس ما أخليها تظلمني و لا تستغل طيبتي

2 - قريت رد لوحدة من الأخوات هنا ، إنها كل ما شافت أبو زوجها تخيل صورة أبوها و تحملت

فأتخيل صورة أمي أمامي ، مع إنه أمي ما عمرها ظلمت وحدة من حريم أخواني و كلهم يحبوها

اتخيل صورة أمي ، و أفتكر إنها جدة أطفالي و إنه زوجي هو ولدها

3 - علاقتها مع ولدها ، ما أتدخل فيها ، عشان هي ( أم ) و بكيفها تتصرف معاه ، بس ما يظلمني عشانهم

و لا يظلمهم عشاني

4 - كل ما عاملوني كويس ، عاملتهم بأخلاقي و طيبتي بس أكون حذرة لإني انقرصت كم مرة و المؤمن كيّس فطن

5 - ترى نصايحي هذه عشان مصلحتك ، و أبغى لك الخير

6 - اللي ما يعرفك يجهلك ، و إن شاء الله إذا جبتي أول طفل ، فراح يعتبروك منهم بالتدريج بس إنت لا تقفلي الأبواب

أعطي فرصة كل شوي و قيسي نبضهم ، هل تعدلوا و لا لأ ؟

عشان تشتري راحة بالك و راحة زوجك