مافكرت بهالشي الا بعد الملكه وهذا وساوس شيطان..انت تناشدنا الحل من تجاربنا وهذي هي تجاربنا


مافيه آدمي يجي كامل لابد لأي مخلوق عيوب .. يعني تعلم انك تتغاضى عن بعض الأمور مثل ثقافتها وخلافه ومثل هالأشياء انا مااعتبرها عيوب لأن البنت باقي صغيره على خبرة الحياه الانسان يتعلم ويكتسب خبرات ... وانت بالنسبه لها كبير وخلاص وصلت مرحلة النضج .. يمكن لو هي توصل عمرك تكون انضج منك

من ناحية انها مادخلت قلبك... ياطويل العمر انت تفكر بحبك القديم طيب ماعليه الانسان ضعيف

طيب الى متى راح تفكر والى متى راح يكون تفكيرك بحبك القديم عاائق امام اي زواج فكر بعقل لاتفكر بعاطفه

اللي تحبها تزوجت وخلفت وسعيده بحياتها وماجابت طاريك .. وانت بتجلس تندب حظك الى متى او ماكانت سعيده مع زوجها انت ضامن انها بتطلق وانت تاخذها؟؟ ... طيب افرض انك طلقت خطيبتك .. بتقعد اعزب طول عمرك بحجة انك مانسيت حبك القديم او راح تخطب غيرها وتصيرلك نفس القصه وتطلق

حط عقلك براسك تعرف خلاصك... لو طلقتها تضمن انك تحصل بنت بمثل جمالها ودلالها وحبها وتعلقها فيك وبهالعمر؟؟؟!!

قبل تتخذ اي قرار فكر مليون مره واترك عاطفتك على جنب الحياه الزوجيه مو بس حب فيه جوانب اخرى وانت ماتدري وش اللي ينتظرك بعد الزواج منها انت تحكم عليها الحين بمبدأ انك فكرت بحبك القديم

لكن انت لو تعطي نفسك مساحه وفرصه انك تحب خطيبتك راح تقدر بتفوق... انسى حبك القديم خلاص ولى وانتهى منت مستفيد من التفكير اقصد الوساوس غير الحسره... فكر فيها فكر بجمالها فكر بكلامها عيش لحظات رومنسيه جرب منت خسران اطلعوا مع بعض افتحوا حوارات اسمع منطقها وكلامها لاتظلمها بمجرد انك ماحبيتها تقفل كل الأبواب امامها هي بعد تحتاج لفرصه انها تدخل قلبك اصبر الصبر جميل انت توك خطبتها وهذي تجربه جديده عليك واللي يصيرلك شي طبيعي لأي واحد كان يحب بطريقه غير شرعيه هذا عقاب من الله

ارجع لربك وادعيه واستغفره ومن غير ماتحس وخطيبتك تشغل حيز كبير من تفكيرك وعاطفتك


اسأل الله ان يفرج همك