اخى الفاضل

والله انى اشوف فرج ربك قريب بإذن الله شرط ما تروح فى طريق والدك الله يهديه

الاول كل يوم تدعى اللهم اكفنى بحلالك عن حرامك واغننى بفضلك عمن سواك .............. وادعى ربك يسدد عنك الدين

ده بالنسبه للاتكال على الله
بالنسبه للعمل بتاعك بقى
الاول لازم تعرف والدك ان اللى انت عملته كتير وكفايه ديون وسلف وانك ما عاد فيك وان كفايه انك متحمل وشايل اخواتك كل ده بأدب واحترام واعتقد انك ابن حلال
شوف لك اسلوب او طريقه توصل له بيهم الحكايه دى وقول له انك مش هتستلف تانى وانك مش هتقدر تعمل اى حاجه فى حياتك بالديون دى وهتفضل من مصيبه لمصيبه
وما تزعلش من كلامى الجاى
انت فى ازمه كبيره انت مش شايف ان الجواز فى الظروف دى هم وتعب
يعنى انت لو اتجوزت مين هيصرف على اخواتك والدين وبعد زوجه ويمكن تحمل وابن يعنى انت من تعب لتعب
يا ابنى الاول تخلص من معظم ديونك عالاقل 75% منها وبعدها اتجوز على الاقل يكون اخوك اللى فى المتوسط شد حيله ويقدر يساعدك
خطيبتك اتكلم معاها ومع اهلها بصراحه جدا ان قدامك مش اقل من 3 سنين لان ظروفك كذا كذا وتشرحها بالامانه وبالتفصيل وتقول لهم انا تحت امرمكم حابين نكمل ربنا يأجركم على صبركم ومعروف مش هيتنسى ربنا يقدرنى وارده لزوجتى اللى هى بنتكم ، مش حابين تستنونى والله ما عليكم ملام وكفيتوا ووفيتوا مشكورين احنا اهل وبنت خالى اتمنى لها السعاده من كل قلبى
انت صحيح ما بيتبقاش من راتبك شىء عشان بتحب اخواتك وما تحبش تشوف خاطرهم بشى......بس يا ابنى لايكلف الله نفسا الا وسعها وكل راع مسؤل عن رعيته يعنى انت ساعد بالبيت بس والدك هو كمان لازم يشوف مسؤلياته تجاه العائله والا انت هتفضل فى الحوسه دى الى ماشاء الله
ربنا يوسع عليك ويغنيك ويسدد دينك