المشاركة الأصلية كتبت بواسطة شمــوخ العــــز

اخوي مشكلة زوجتك مثل مشكلتي

انا صار لي متزوجه سنتين وانا اعاني مثل مشكلت زوجتك

بس الحمد الله انحلت مشكلتي بس بعد شنو بعد مامريت في مشاكل كثير وتعبت نفسيا وجسديا

في بداية زواجنا كنا كل يوم نحاول ونفشل وانا كنت كثير خايفه من شي اسمه جماع وزوجي كان متفهم جدا معي

اخذني لدكتوره والله لايبارك فيها زادت علي المشكله والخوف اكثر قالت لي ان عظمة الحوض نازله عندك وهي الي مصعبه عليك الأمر وقالت لي لازم تسوي عمليه وانا ماقتنعت بكلامها ورحت لدكتوره ثانيه ولما كشفت علي قالت لي انتي طبيعيه ومافيك اي شي واذ تبين تتأكدي راح نسوي لك سونار وعطتني موعد بعد شهر

وانا تطمنت كثير من كلامها ولقيت تمارين التشنج المهبلي وسويتها كلها وتم الجماع من بعد التمارين والحمدالله الحين حنا في احسن حال

وانت خذ زوجتك لدكتوره نساء شاطر موب مثل الدكتوره الاولى الي رحت لها خلها تفحص عليها يمكن عندها التهابات او شي واذ طلع كل شي تمام خلها تسوي تمارين التشنج واهم شي تريح اعصابها وقت الجماع وهاذي اهم نقطه