أخى ولهان

لن اتهمك بشىء لانك انت من تأتى لتحكى
اولا انت عندك بالمصرى كده مشكلتين اكبر من بعض
الاولى : انتم ببلادكم تعتمدون زواج الصالونات يعنى حلوه وبنت عيله عالبركه وده شىء جميل جدا ومحترم بس ناقصه شى التوافق .........يعنى الدماااااااااااااااااااااااااااااااغ.....المستوى الاجتماعى والتربوى ..ان تقعد مع الخطيبه شويه تتكلموا فمواضيع وحاجات كتيره........تفهم الدماغ دى رايحه فى انهى اتجاه
الولد بيبقى صغير والبنت كمان بيفرحوا ست فى البيت يا سلام وهى فرح وشبكه وهغيظ فلانه واجنن علانه
الاهل بيرموا الولاد وكأنهم خلصوا منهم.......خلاص سترناهم وهم بيجيبوا لهم مشاكل وعيال متفرقه من طلاق او جهل
انا مش بهاجم مجتمع اطلاقا بس الطريقه ناقصها شوية عقل ودردحه من الام اللى بتخطب وتفهم ابنها اللى هيخطب دى ست هتعيش فى بيتك عمر مش عروسه حلاوه تتباهى بيها وهتحطها فالدولاب لا ده يروح الجمال ويبقى الغبى على حاله.......اسفه والله دى نصيحه لانك مسيرك تخطب لاولادك فهمهم ربنا هيسألك عنهم
تانى شى فيه ستات كسل مميت وقله نضافه ونكد و الله نكد حاجه تغم والراجل برضه غلطان انه صبر ومش غلطان لانه صبر .....فى الحالتين مظلوم
والست دى كمان غريبه ........
بص من الاخر انت نفسك تتجوز وماحدش هيلومك فينا انت حر ده حقك بس خليك راجل تمام وقول لها هتجوز عشان ده حقى اولا ثانيا عشان وتعدد لها دون جرح او اهانه وتعدل بين البيتين
وتفهم اولادك انك هتتجوز وده مش معناه انك هتنساهم او تكرههم
وياريت وانت بتتجوز بلاش المكياج ونضافة البيت اللى الشغاله مخلياه فله تغرك
شوف اخواتها ونضافتهم
العربيات اللى قدام البيت ونضافتها
ترتيب الوان البيت
تعليمها ايه
واستنى بعد الرؤيه الشرعيه واطلب تقعد معاها فى وجود اهلها تانى وتناقشها وتفهمها ظروفك وواجباتك واسمع ردها بلاش تندلق وتفرح لو ناقشتك بالمنطق هتبقى بتفهم لو قالت امين على كل شىىء انفد بجلدك لان دى يا هتطلع زى الاولانيه ضارباها صرمه يا اما هتاخدك على قد عقلك وتنكد عليك
ولو حتى وافقتك على كل حاجه بص لطريقة الموافقه.....
مش عارفه اذا كنت عارفه افهمك قصدى وللا ايه؟
ماتفرحش بالصغيره ولا تاخد اكبر منك.......
انت مش محتاج دلع وبس لانك هتمله صدقنى عن تجربه ومسيرى احكيها لكم
انت محتاج دمااااااااااااااااااااااغ وست عارفه يعنى ايه ست ويعنى ايه راجل
لازم تكون مراتك الجديده بتصلى ولها حياه يعنى بتقرا بتكتب بترسم انشالله بتنتف حواجبها يا سيدى بس ما تبقاش عالابيض
ماحدش يزعل منى ومن اسلوبى انا عامله زى الرجاله شويه بس معلش انا كلامى كده.....
بكره الست البرطه .........
بكره الست اللى مش فاهمه يعنى ايه ست والست مش بالكلام بتاع البسى له واعملى له أه ده مهم بس الست الاول والاخر روح وسند وحد تعرف تتكلم معاه مش للتسريه وبس
ما تزعلش منى ولاحدش يزعل
اتوكل على الله بما يرضى الله وبحسب ارشادات ربنا العدل ثم العدل ثم العدل فيما تمتلكه وقلبك بس هو اللى ما ينفعش تعدل فيه
اه ابقى بص على كعوب رجليها امى الله يرحمها كانت تعرف النظافه من كده ......والضوافر وطريقه اللبس مش الغالى لاء المتناسق
حاجه كمان محرجه جدا بس اسفه انى هقولها.......لو العروسه الجديده بتلبس واسع مش هينفع تشوفها بس لو بتلبس مخصر شويه يعنى ابقى بص كده بصه على المشد من الضهر لو متشعلق فوق عظام الضهر ابعد ده معناه اهمال شخصى
وما اظنش ان ده حرام لان ده نوع من المعاينه واستبيان ماخفى ويصعب السؤال عنه......
معلش انا عندى ابن ولو هيخطب انا نفسى هبص على ده ......اه ونظافه الاسنان بياضها ........
كفايه كده النهارده