عاد تصدقون اني حلمت اني بألقى ردود جديده في الموضوع وفعلا لقيت


فعلا كنت متمسكه برفض الرجوع جدا

خصوصا انه كان متقبل فكرة الطلاق ودايما يقول لا بأطلقك انتي ماعليك

مره يأجل يقول اجراءات مره يقول ماعندي وقت مره يقول على ايش مستعجله

واخر مره قال استحي على وجهك عيب عليك تقعدين تطلبين في الطلاق هذا مو شغلك

في نفس الوقت كان مرات اذا دق كنت اعطيه وليد مباشره يكلمه

عشان يفهم لا تطلبني تكلمني ... وفعلا مرات ما كان يطلب ...


ومرات يطلبني
..

على.. كيفكم
اخباركم

كيف وليد

ناقصه شي

يبي شي


وانا اتكلم معاه عادي وبإحترام ... لحد ما يقول كيف حالك يا قلبي !!!!!!!!!!!!!!!!


اولع شويه واسكت ما ارد .. على اعتبار انه يكلم وحده ثانيه مو انا ... لأن لو أنا فعلا عمره كان احترمني وقعدت معاه بالبيت

بس كنت ملطشه لخيالاته المريضه ... لذلك لا ارد ..

اشفيك ... ألو ...

نعم!!!


اشفيك ماتردين ... كيف حالك ... ياحلوه !!!!!!!!!!!

صرت اقول له رجاء لا عاد تستخدم هذي الالفاظ ... صايره استحي منها ... وبعدين وش عليك من حالي ؟

وش يهمك فيه؟؟؟؟ ماعليك الا من وليد انا لي رب اسمه الكريم ما ينساني


مرات كثيره كان يستحي ومرات كان يعصب ومرات يستهزأ ... وانا مصممه اني ما الين قلبي قدامه ابدا ... ومن داخل كنت اموت الف مره..


لحد ما جت فتره كان مصمم يكلمني فيها

اعطي الجوال وليد ... واقول له ماما نايمه ... تتروش

مشغوله ... فوق...

صار ابو وليد ... ينتظر مده ويرجع يدق ... ويا وجه استح لمتى بقعد اتروش والا فوق يعني؟؟؟؟

صرت ارد عليه

صار يقول لي ( وهو مبتسم واضح من طريقة كلامه انه رايق وهادي ومتقبل اي هجوم مني عليه )

صار يقول ها يا ام وليد كيف حالك؟ عساك طيبه .. مابقول لك ياعمري ولا قلبي عشان ما تعصبين واشوف وين بأوصل معاك


( حركة انه يكلمني بهدوء وروقان ويستخدم الالفاظ اللي انا حددتها عليه اجبرتني اكمل المكالمات معاه ... بمعنى اخر انه بدا يبطل عناد وهذا مطلبي الاول وبكذا فعلا قدر يوصل لي واصير اتجاوب معاه هذي اول خطوه صارت بينا كتمهيد للرجوع... )
انا ... الحمد لله انت كيفك اخبارك


كان يتكلم بأمور عاديه ... انه شرى شي جديد .. موقف في العمل ... كيف متغربل بين المغاسل والمطاعم... وغالبا اشياء تضحك فما اقدر الا اضحك بتحفظ... وهو يستغلها بعدين و يبدا عاااااااااااااد في العميق


( اللي استوعبته من هالحركه ... اني قبل لا اتناقش معاه في شي لازم ادخله في الجو اللي انا فيه ... يعني هو رايق .. خلاني رايقه مثله .. مو معصبه وقال لا نتفاهم الحين ...هذي ثاني نقطه لتمهيد الرجوع)

صار يبدا يتناقش معاي بكل هدوء واريحيه ... ويالله تعالي نتفاهم ع المشاكل ... ابغى اعرف وين الخلل .. انا كان مضايقني منك كذا كذا كذا ... وش تعليقك... وانا اعلق وادافع عن نفسي وياما طلع هو الغلطاااااااااان وربي

واجي اقول له انت سويت كذا كذا كذا ... وياما طلعت انا حساسه وفاهمه غلط احيانا منه ...

( هذي ثالث نقطه .. التسلسل في حل المشاكل واخذها وحده وحده وفعلا مواجهتها وحلها .. علشان لا تتكرر..)

كانت كل مكالمه تاخذ ساعه لساعتين ... كل ما انا عصبت فيها يقول لحظه ... اسكتي .. خذي نفس ... تعوذي من الشيطان ... روحي غسلي وجهك وانا معك ع الجوال ... والا غيري جلستك ... والا غيري مكانك ... بس لا تقفلين ... خلينا نقهر هالشيطان ....وانا يعجبني تفكيره ولو اني اكرهه بس عجبني حسيته عاقل وجاد يبي يصلح

وفعلا اسوي اللي يبغاه .. خصوصا كنت اشوف الفرحه في عيون وليد ان ماما تكلم بابا ومطولييييييييييييييييييييييييين

( هذي رابع نقطه للعوده ..اعطاء الطرف الثاني فرصه للتنفيس عن مشاعر الغضب اللي طبيعي تكون موجوده في ظل وجود المشاكل )


يتبع

__________________
[/IMG]