شسالفته .. مهوب صاحي على هالحركات

شكله غاوي تمثيل ..

طيب يروح يشوف له مجال يفجر هالمواهب الي داخله .. حسافة تضيع هالمواهب

يمكن يطلع الممثل المعجزة

كان يروح يعيش هالافلام في الخيال .. في مسرحيات .. تلفزيون

بدال ما يدمر حياته وحياة غيره وهو يطبقها في الواقع

وإلا على باله انكم غربيين بتبقون اصدقاء وكلما احتجتي شي اتصلتي عليه

يعني يستمتع فيك و بمشاعرك بدون ما يتحمل مسؤولية

وتبقون تحبون بعض من بعيد لبعيد .. وكلام حلو وغزل بس من بعيد لبعيد

هذا صاحي والا مريض .. رحمة من رب العالمين ما بينكم اطفال

وش ذا الحالة .. وش ذا الناس الي طالعين لنا طلعات جديدة

أحس وانا اقرا كلامه اني اشوف فلم عربي ابيض واسود

وهذي آخر كلمات البطل " تمسكي بمشاعرك لي قد ما تقدرين "

والمشاهدين دموعهم اربع اربع

الله يعينك يا ندى ويبدلك خير منه ..

شريحته وجواله ارميها في البحر

أرقامك غيريها ..

ايميلك غيريه والغي اشتراكك

ايميله احذفيه

يعني امسحي كل الخطوط والطرق الي ممكن توصله لك

غيبي عن عالمه تماماً عشان يصحى من هالكابوس الي معيش نفسه فيه

خليه يصحى على نفسه ويعرف وين الله حاطه فيه

صدقيني طليقك من النوع الي ما يصحى إلا لما الحياة تعطيه كف محترم على وجهه

و الزمن ينشف ريقه .. ذيك السااعه بيعرف شلون يمشي مثل الخلق والناس

وانتي ربي يعوضك بأحسن منه ..

__________________