السلام عليكم ورحمة الله وبركاته
قرأت قصتك من اولها الى اخرها حتى على الروابط الثانيه
والجميع هنا ماقصروا كفوا ووفوا ياحبيلهم
وياجعل كل اللي قالوه وعملوه في موازين حسناتهم
__________
قرأت عتب البعض عليك
قرأت وصفهم لك بالتقصير
قرأت من حملك المسؤليه كامله
واقول لك بكل صدق...مشكلتك مع زوجك عاديه جدا تحصل في اي بيت
لكن هناك رجل وهناك ذكر
الرجل يعرف يحل اموره ومشاكله
والذكر لايعرف الا كلمة طالق لانه لايوجد حل لديه
زوجك لايوجد لديه احساس بالمسؤليه ضعيف والدليل انه استخدم الطلاق لاتفه الاسباب
يعتبر ان رفع صوت المرأه عليه هو اهانه له او ستنقاص من رجولته ونسي ان الرجل الذي يستخدم الطلاق لأول مشكله ولاتفه الاسباب هو الضعيف
الخليفة الثاني عمر بن الخطاب جاءه رجل يوما ليشتكى إليه من زوجته ، فلما وصل وجد عمر في بيته وصوت زوجته مرتفع عليه .؟
فلما خرج قال له أنا يا أمير جئت اشتكي لك من زوجتي لقيت زوجتك أعظم
قال له : تغسل ثوبي ، تكنس بيتي ، تربي أطفالي ، أفلا نصبر على بعض أذاها
هذا عمر بن الخطاب فمن هم رجال الان امام عمر بن الخطاب رضي الله عنه وارضاه
تو اول سنه وعلى طول طالق وفوق هذا مطنشك كم يوم
ولما قلتي لاهلك اعتبرها جريمه
الرجال طلق ومطنشك كم يوم وفوق هذا مايبيك تقولين لاهلك
للأسف الان الرجل لو هو جنس ثالث الله يكرمكم وراحت الزوجه قالت لاهلها زوجي شاذ الكل يقولها مايصير هذي اسرار بيت
فاهمين كلمة(اسرار بيت) غلط
معليش صيري انتي الخطا وصيري بنظر الناس فيك عيوب الدينا ان شاء الله بيذبحك اليوم ان شاء الله يدخل حريم عليك بالبيت ورجل مريض وفيه وفيه
بس لاطلعين اسرار بيتك كل شي ولا اسرار البيت الا اسرار البيت عجبي !!!!!!!!!
المرأه تحت ولاية زوجها اذا زوجها طلقها وطنشها وخلاص ينتظرها تطلع من البيت... انتقلت ولايتها لاهلها وفي هالحظه تبلغ اهلها...ولا كمان اسرار بيت
المرأه تحافظ على اسرار بيتها بقدر الامكان لانه بيتها تحافظ على خلافاتها مع زوجها تحافظ على اسراره واسرار شغله واسرار اهله وخصوصياته وكل مايخصه ويخصها كبر او صغر
لكن اذا زادت الامور عن حدها فماعاد يعتبر فيه شي اسمه اسرار بيت لانه اذا هو القائد ورب البيت ماحافظ على حرمة بيته واستقرار بيته وكرامة بيته وكرامة زوجته ...فكيف الزوجه تسكت عن الاضرار اللي الحقها فيها هذا الزوج..بأسم اسرار البيت...
من جد الناس فاهمين غلط
ورغم انك مافضحتيه ولا قلتي شي لاهلك
وبينتي له هالشي الا انه استمر على مكابرته اسرار بيتي اسرار بيتي عذر اقبح من ذنب
زوجك ياختي لايوجد لديه احساس بالمسؤليه وليس لديه اي قدره على تحمل بيت وزوجه ومشاكل ومسئوليات
وفوق هذا انسان مريض بأقذر الامراض عاده سريه وافلام اباحيه اعوذ بالله
والادهى والامر ماعنده اي مرؤه يطلعك من بيته ويرميك وكانه جايبك من الشارع ماكأنك زوجته
ورغم هذا ماقصرتي لامعه ولا مع اهله
تتصلين عليه وترسلين
وتردين على اهله
وتترجينه
وهو مكابر
تدرين ليش متررد ومايبي يرجعك
لأنه عارف انه مو قدك وانك كبيررررررررره عليه
وكل مامدحوك اهله كل ماتعب اكثر
ولأنه عاصي ومغضب رب العالمين في بلاويه واستبدل الحرام بالحلال
ربي ماراح يخليه يوصلك وماراح يتوفق معك
الطيبون لطيبات
وانتي طيبيه بنت ناس لطيفه رقيقه وفوق هذا عاقله ومحترمه وهذا اللي عرفته من ردودك وكلامك
ورغم كل بلاويه استمريتي تترجينه وتدعين ربك
تدرين اختي انا لو مكانك وش اسوي
والله مارجع له لانه مايستحق
الناس طيبين مايبون زواجك ينتهي معه
تعودنا ان الطلاق نهاية الحياه وان الطلاق مشكله
مع ان الحقيقه احيانا الاستمرار هو المشكله
استمرار زواجك معه هو المشكله
باقي لكم طلقه وحده بتكونين طول عمرك على اعصابك خصوصا اذا صار عندك اطفال
ماتقدرين حتى تضغطين عليه يغير نفسه
ماتقدرين حتى تعيشين حياتك طبيعيه
تضطرين تكتمين انفعالاتك وزعلك واشياء اخرى تافهه بس لانك خايفه من الطلقه الاخيره
وليت الرجل يستاهل والله مايستاهل
اعتبري نفسك لسا بنت وجا هو الان يخطبك بعيوبه وصفاته وكل شي
حطي الحب على جنب ...هل تقبلين فيه...لا طبعا
نصحيتي لك انسيه وابدي حياتك وارمي شريحته خلاص اذا انفصلتوا وش يبي
مايبيك زوجه يبيك صديقه مثلا
ماقدر يتحمل مسئوليتك ولاقدر يتحمل الزواج
يبيك صديقه تستمرين معه بدون مايتحمل مسئوليتك او اي شي
قوليله انا اسفه ماقدر
ولا عاد تتصلين عليه ولاترسلين
وخليه يكمل موضوع الطلاق
وانشغلي بحياتك
روحي سجلي بنادي عشان تنسين
اطلعي اشتغلي
وربي بيعضوك بأنسان راقي برقيك
طيب بطيبتك
والله ماشفت وحده سوت اللي سويتيه
تترجيه وكل ماشفتي ولو بصيص امل رحتي ترسلين وتتصلين
الرجل العاقل مايفرط بزوجته بسبب امور تافهه مع الايام تنصلح وتتعدل خصوصا وانتي تبكين وتقولين له خلاص بعدل نفسي ونبدا من جديد..ولكن لاحياة لمن تنادي
اختي راااااااااااااااااااااااااايتك بيضا
وصدقيني مايستاهلك
وانتي حره وادرى بامورك
الله يوفقك ويفتحها بوجك
يرجى كتابة (ان شاء الله) كما بين أقواس/ الاشراف
التعديل الأخير تم بواسطة ماريا ; 09-11-2009 الساعة 11:06 PM