رسالة الإيميل سببت لي غصة بحلقي (خنقتني العبرة)
ابي رضاه
بتكلم معك ماراح اقول لك بحط نفسي مكان زوجك لا وألف لا
إلا بتكلم معك وانا فعلآ تعرضت لنفس الموقف اللي تعرض له زوجك اللي هو الكلام ونشر الحكي عني
وأنا اقرأ الرساله قسم بالله حسيته يتكلم بلساني بكل اللي بقلبي من ناحية نشر الكلام والحياة الزوجية
طليقي للأسف لما كنت بالعده قال لأهله هي وهي وهي يعني نشر اسرارنا لا وأزيدك من الشعر بيت
للأسف ثلاث ارباع الكلام موصحيح يعلم الله انهم ماشافو مني الا كل خير وحشيمة وياما وياما
وليت السالفه كانت بين اهله بس راحت اخته ونشرت الكلام بين الناس وانا لسا بالعده يعني حتى ماقالوا عالأقل نصبر يمكن يرجعون لبعض
لحد ماوصل الكلام للجميع ويالله تعالي شوفي حالتي انهيااار تام
ليه وين دينه وين عقولهم ليه يتكلمون
وش بيستفيدون من الحكي غير شماتة الناس
والله وماحلفتني بالله لو ان اللي سوته اخته فيه فائدة وحده اقسم بالله لأقول مسموحه قولي اللي تبين
لكن بأي حق يتكلم فيني أم بنته وين احترام العشرة وين التزامه وين الخوف من الله
تخيلي الى يومك وانا رافضه اتكلم فيه هي امي الوحيدة اللي فضفضت لها وحلفتها ونبهتها مايطلع شي حتى ابوي يسألني ماعلمته بشئ عنه قلت الله يستر عليه
والله الى يومك مارضيت ولا راح ارضى تجاب سيرته عند اي مخلوق
ويقولون لي خذي حقك مثل ماتكلم فيك قولي للناس اللي فيه قلت لا
انا افكر بعقلي ليش اتكلم فيه وش بستفيد من خلق الله هذا انسان عاشرته وعشت معاه عالحلوة والمرة وش على
الناس منّا حتى اتكم فيه ماأفكر بالإنتقام لأن اللي بينتقم لي رب العزة والجلال سبحانه
والى يومك وانا بكل سجدة ومابين الأذان والإقامة وانا ادعي رب العزة ينصرني وياخذ بحقي
الآن تدرين لو يبي يرجعني صدقيني ماظن برجع له أحس نفسي طاااابت منه رغم حبي له
كيف برجع له وهو متكلم فيني هالكلام
والله مارضيت اجيب سيرته ولا راح ارضى بشي يشينه
هالحين لي يمكن 4 شهور الله اعلم بعدين اذا بنسى واسامح واغفر له
الحين صرت اقرأ عن الحلم وكيف ان هالصفة عظيمة واجرها اعظم
الحلم هو التسامح عن المخطئ
صحيح ان كل شخص فينا اخطئ لكن لايقارن بخطأه أبدآ
والخيرة فيما اختاره الله
انا قلت لك كذا لأني حسيت باللي يحس فيه زوجك
اقترح عليك تقولي له انك ماقلتي شي عن الأسباب الرئيسيه وانك حفظتيه بغيبته ولا رضيتي تتكلمي فيه
يمكن هو واصله كلام ماقلتيه لازم توضحين له
أبي رضاه انتي لسا بالعده وتدرين ان وجودك ببيت اهلك وانتي بالعده مايجوز
احنا خطأنا لما نزعل او نتطلق نطلع من بيوتنا لبيوت اهلنا وهذا اكبر غلط
انتي لسا ماطلعتي من العده
اقتراحي لك انك ترجعي بيتك حتى لو بينكم جبال من الزعل
عالأقل ترضي ربك كيف يقبل دعاءك وانتي اغضبتيه بخروجك من بيت زوجك
ابي رضاه اللي بينكم ماراح يطيح الا لما ترجعين بيتك وتتكلمين معه وجهآ لوجه
صدقيني ترى بتندمين ندم عظيم اذا طلعتي من العدة وانتي ماواجهتيه ولا رجعتي بيتك
لاتنسون يابنات هذي نصيحة للمطلقات ومازالوا بالعدة ارجعو بيوت رجالكم لله حكمة في ان تظل المطلقه ببيت زوجها
فهو اعلم سبحانه
أختك ماعدت انا
__________________
حسبي الله ونعم الوكيل