اتمنى انك ماتفهمين اني اخوفك من موضوع تاخر الحمل ومب شرط اللي صارلي يصير لغيري يمكن مجرد صدفه كانت بالنسبه لي ولاختي بس انا كنت استغفر كثير وادعي بصلاة القيام تعرفين مره كنت ادعي بصلاة القيام والح بالدعاء ان هالشهر اكون حامل وبصراحه تفاجئت لما اكتشفت اني فعلا حامل
عيشي حياتك حاولي تندمجين اكثر ابعدي عن المشاكل للامانه من كلامك زوجك طيب بس الخطا فيج الف وحده تتمنى زوج يحبها ويكرمها وانتي حصلتي هالشي فليش تخلين الاوهام تسيطر عليج ليش تختلقين المشاكل صدقيني بكره بيجونج عيال وراح تكبر همومج وبتندمين انج ضيعتي احلى لحظات فعمرج بدون سبب
ثقفي نفسج عن امور الزواج اكثر او اسالي ناس ثقه من حولج حاولي تعيشين لحظات السعاده بدون ماتفتعلين اي مشكله وابعدي عنج الشك والانطواء ممكن تدخلين فحاله نفسيه سيئه
لاتكوني الزوجه النكديه الكئيبه والممله الزوج يحب الزوجه المرحه المبتسمه اللي تفهمه من غير مايتكلم اللي تعرف تدخل السعاده لقلبه خليه مايسمع منج الا الكلمه الحلوه والكلمه الطيبه انتي بطريقتج راح تخسرين زوج محب وحنون واش بتستفيدين بعدها
انتي سالتي اذا الازواج يتخاصمون على اشيا تافهه انا بجاوبج من تجربتي لا والف لا مانفتعل مشكله من سبب تافه اذا كنتي تحبين زوجج بتتغاضين عن امور وبتسامحين عالزله مش تتصيدين الاخطاء كانج تنتظرين المشاكل جربي تمسكين نفسج يوم واذا زعلتي من شي تعوذي من الشيطان اقهريه واستقبلي زوجج بابتسامه وودعيه بكلمه حلوه ولين جاء الليل قارني بين هاليوم وكل الايام اللي مرت قبل وشوفي الفرق
تعرفين احس انتوا تعودتوا عالمشاكل وماتقدرون تعدون يوم بدونها
غيري من اسلوبج وتعاملج وبتشوفين السعاده الحقيقه بس في شي اهم قوي علاقتج بالله واكثري من الدعاء هذا من اهم الاسباب ولاتقطعينا خلينا نسمع اخبارج
اتمنى تتقبلين كلامي بدون زعل اختج اوركيد قطر