خلاص يختي
انتي عارفه ان تحرشاته ماجت في العميق الحمد لله
وكبرتي
وتزوجتي
وماشاء الله خلفتي
حرام اللي تسوينه في زوجك ابن الحلال اللي ماله ذنب
وفي عيالك
وجالسه تدعين الله مايرزقك بنت
والله مافيه احن واحسن من البنات
مع اني جايبه ولد بس برضو معروف وش هم البنات
وليش ما تخلفين يعني وجالسه تدعين؟ اشغلتي نفسك واتعبتيها وبس
( وخلينا واقعيين .... لو فعلا كارهه شي اسمه رجال ما تزوجتي ولا كنتي خلفتي وطفلين ياحافظ)
انتي صاحبة تجربه يعني بتكونين نبيهه
هذا المفروض
وبعدين انتي متفوقه في دراستك
سبحان الله ليه ماصرتي سيئه فيها؟
مو انتي محبطه؟
والا هو الشيطان يعني مصور لك نواحي تخورين فيها ونواحي تزبطين فيها وانتي معاه؟
معليش انا بجد اسفه احس اني قاسيه مرررررررررررررره بس انتي جايبه الهم والغم لنفسك
وانا متأكده انك تشوفين قنوات اجنبيه ومنها ام بي سي فور
اللي انا استغرب صراحه
كيف انهم يقعدون يجترون ذكرياتهم الحزينه
وتقعد اوبرا وتشرح بالتفصيل كيف تحرشوا فيها وتكتب كتب الله لا يفضحنا
قلة حيا والله
وتجيك الثانيه وتتذكر كيف لمسها اخوها مثلا وهي عمرها خمس سنين وتبكي بكا مررررررررررررررررررررررر
والثانيه تتذكر وهي عمرها ثلاث سنوات
يخرب عقل النصب
ياناس والله بس تجاره وفلوس
والا من نعم الله علينا النسيااااااااااااااااااااااااااااااااااااااااااااا اااان
خلاص تجربه وابتلاء وعدى وصفحه وانطوت سيبك من الهم وتعوذي من الشيطان
قسما بالله هو الشيطان بس قاعد يوغر صدرك ع الحقير اللي عمل عملته معاك
وقاعد يخليك تحقدين عليه (مع انه يستاهل القتل بس وش نسوي ؟)
صراحه امداك ما نسي والا تناسى لان الدنيا ماشيه ماتوقف على يوم وخلاص.. غيري محيطك اللي انتي فيه يمكن يخليكي سلبيه
لا تقعدين تتسمعين قصصص تتعبك
فكري في المستقبل
فيه الف والف والف طريقه لو بغيتي
والشيطان نفسه قاعد يخرب عليك بيتك
ومن جد تخربينه بأفكارك ويتشتتون عيالك وتخسرين زوجك وتكرهين عيالك فيك وفي ابوهم
مردهم يكبرون ويعرفون انك موسوسه بس ... ويحقدون عليك... بعد ما انتي شايفه نفسك تحافظين عليهم
وليش ماتقعدين معاهم عند ابوهم؟
ليه تاركه كل هالمنافذ للشيطان؟
طيب وتزوجتي و محد عارف عنك ومضغوطه
امرنا لله
تجين تتطلقين بسبب تعصيبك وتطلعين قدام الناس مجنونه؟
والا بتقولين السبب ويطلع زوجك مخدوع فيك وعيلتك مو مزبوطه؟
فكري فيها ولا شي من مصلحتك الحين الا انك توقفين وقفه حازمه جدا مع نفسك وتتعوذين من الشيطان
تصدقين
سمعت من الدكتور ابراهيم الخليفي الله يمسيه بالخير
يقول فيه نوعية ناس تحب تجيب الهم لنفسها
وخروا عن هالنوعيه وانتبهوا لا تصيرون مثلهم
تعوذي من الشيطان
وتعوذي بالله من الهم والحزن والعجز والكسل وغلبة الدين وقهر الرجال
وقومي شوفي حياتك وزوجك وعيالك
ومايمنع تقولين لزوجك انا ادري اني كنت مضايقتك الفتره اللي فاتت بس اوعدك اتغير
ولحقي على عمرك
بدل ما تخربينها قبل وبعد
الله يهديك وبس وينتقم من كل من يسويها
الله ييسر لك الحج والعمره وترتاحين بزيارة البيت العتيق
ويخفف عنك
ويحفظ لك بيتك وزوجك وعيالك وينتقم من اللي خرب عليك قادر كريم
__________________
[/IMG]
التعديل الأخير تم بواسطة daimound22 ; 04-11-2009 الساعة 04:53 PM
السبب: اضافة شعار التميز