حياك الله اخوي متزوج ولكن ..
مشكلة تنظيم الوقت .. مشكلة تعم اغلبية المجتمع
حتى المتعلمين منهم .. فيه ناس يتداركونها
وناس يهملون .. زوجتك فعلا تحتاج تنظيم وقت + شوية اهتمام
دورك انت : تشجيعها
تشجيعها يكون عن طريق انك : تشوف الشي الي تحبه
وتعطيها اياه .. تحب هي طلعات مطاعم طلعها .. تحب الهدايا
اهدها .. تحب السفر سافر بها ..
زد لها مصروفها .. اظهر احتياجك المعنوي لها حسسها
ان وجودها مهم لك بكلامك وتصرفاتك ..
الهدف من هالتصرفات زيادة شعورها بالامتنان ناحيتك
عشان تكون ردة الفعل هي : التفاني بخدمتك
وبنفس الوقت .. حاول تسهل الامور اكثر عليك وعليها
الملابس الداخلية جب لها نشافة حرارية تعلقها اول ما تطلع
من الغسالة .. وتطلع لك كنها مكوية .. كل الي عليها
تطبقها وتحطها بالدولاب .. الطبخ .. ممم التسامح شي طيب منك
اقصد .. لو انك تتفهم ان الطبخ اليومي بحد ذاته شغلة متعبة جدا
راح تهون عليك الامور .. اقصد تخيل لو تدخل لك كل يوم تسوي
اصناف منوعة .. مع كومة المواعين حقتها وتنظيف المجلا والارضية
والفرن بتاخذ مالا يقل عن ساعتين .. فانت حدد ايام معينة بالاسبوع
تطبخ فيها .. وايام ثانية مفتوحة لها حسب مزاجها طبخت لك ولا جبت
من برا .. بكذا تكون اعطيتها مساحة حرية باذن الله ترجع عليك
باشياء ايجابية ..
اخوي .. زوجتك .. ماهي بذيئة بالكلام او التصرفات .. تصلي تخاف
الله فيك .. مريحتك عاطفيا .. اتصور هذي اكثر الاشياء الي نحتاجها كلنا
فهل توقف سعادتك معها على كم فانيلة ولا كم يوم ما طبخت لك
فيه ؟؟
بخصوص الخادمة ما انصحك تجيب .. للاسباب المذكورة بردود الاخوان
متزوج ولكن ..
انت الان راح تجلس مع زوجتك .. وتصارحها
وباسلوب محترم ومشجع .. وفيه تفهم
ترى اسلوب الحوار ياثر على النتايج واتصور انت
عارف هالشي .. راح تتكلمون عن الطبخ
وتقول لها انا مقدر جهدك لو مهما كان بسيط
ولكن بصراحة انا ماحب اكل برا ..
هذا اقتراح بخصوص جدول الطبخ
اتمنى ان شاء الله يروق لك ويروق لزوجتك
حدد لها ثلاث ايام بالاسبوع .. سبت اثنين اربعاء
تطبخ لك فيها .. وحدد لها الاكلات الي تطبخها لك
وتكون عارف انها سريعة وماتاخذ وقت كثير ..
زي سندويتشات مثلا .. ووضح لها انك اخترت
هالاصناف الخفيفة عشان ما تتعبها بالطبخ
يوم الاحد والثلاثاء .. قل لها انتي حرة تحبين
تطبخين الله يعطيك العافية بكون سعيد ما تحبين
ولا يهمك اجيب من برا ولا اتعبر باي شي
يوم الخميس .. قل لها اتمنى هاليوم يكون لي
تجهزين سفرة منوعة على ذوقك وابداعك
يوم الجمعة نطلع نتغدى برا ..
هذي فكرة بسيطة ... وانت تقدر تعدل
بالي يريحك .. ولاحظ المقصد من هالجدول
مو بس تنظيم جدول الطبخ لها .. ولكن كطريقة
تبين فيها حرصك على راحتها .. والي اتمنى يكون
باذن الله تعالى دافع لها تعطيك اكثر
التعديل الأخير تم بواسطة daimound22 ; 02-11-2009 الساعة 03:59 AM
السبب: دمج المشاركات