زوجتي لا تحب القيام ببعض واجباتها المنزلية !!
في البداية بسم الله الرحمن الرحيم ..
إلي أعضـاء هذا الصرح الشـامخ .. إلي أعضاء منتدى عالم الأســرة والمجتمــع
بصراحه واسمحولي اتكلمـ بالعـاميــة
في البدايـة احمد الله و أشكرهـ علي تماام السنة بزوااجي والحمد لله وعسى الله لا يغير لا علينا ولا عليكمـ
انا بصراحه في نقااااط كثيــرهـ ابي استفسر منكم ومنقهر في بعض الاشياء
* في البداية اعترف بأن الحياهـ بعد الزواج تختلف كليا عن حياتك مع اهلك وابعطيكم بعض الامثلــة
انا دوامي طويل يعني من الساعه 8 الصباح الي 6 المغــرب وزوجتي طالبه وطبعا هل تخلص من جامعتها علي 12 الظهر او 1 ... طبعا البنت كاانت متعووده لما تجي علي الغداء عند اهلها اخوانها واابوها كل يتغدون مع بعض بما ان اهلها دواامهم حكوومه يعني علي الساعه 2 طالعين ف لاحظو الاختلافـ
لما اجي من الدوام علي المغرب في اغلب الحالات احصلها نايمه .. اجي تعباان واحط راسي جنبها وانام هي تصحى وبعد ما نام ب 10 دقاايق تقووم وتروح تصلي وتصلح القهوة .... الي يقهرني زود ليش ما تضبط وضعها بحيث ان اول ما اجي من الدوام احصلها صاحيه ؟؟ لكن ابقولكم شئ زوجتي خوافـــه بصراحه لما اجيبها من الجامعه تخاف تجلس لحالها في الشقة لو تسمح صووت برى خاافت
بعض الاحيان اقول احسن انها تنام وتريحني ولا تقعد تصجني كل شوي تدق علي تراني خايفه تعال استأذن من الدوام .. الشئ الي قاهرني
زوجتي لها سنه شئ اسمه كوي ملابس ما تحبه
بصراحه كوي ثيابي و الشمغ خلال هالسنه ما عمري كويتها في البيت دايمن من المغسله
ملابسي بعض الاحيان اجمعها في سله واخليها تغسلها وتنشرها
واكثر الاحيان انا اشيل ملابسي واغسلها يعني الله يعافي المغسله كل شي تسويه
لكن الي يقهرني انها بعد ما تحب تكوي ملابسي تخيلو البس ملابسي الداخليه وهي متعرفطه يعني مكسرهـ وثيابي كاويها اخينا الهندي بالله قوولوو لي وش اسوي في هالنشبه تقولي ما تحب تكوي
انا افكر اني اكوي ثيابي والشمغ برى والملابس والترينكاات (يعني البدله) اخليها هي
شئ اسمه غسيل صحون ما تحبه[/].. والطبخ لما اقولها بتطبخين تقولي مالي مزاج ... بعض الاحيان ما الومها تجي تدرس في تخصص الفنية وتعرفون ان الفنية انواع القرف : ألوان .. تكسير .. أفران ف تطلع من الجاامعه قافلة ام الاخلاق .. لكن لما اطلب منها بعض الاحيااان تقولي هالكلمه غير كذا وش الي يغير نفسيتها تخيلو الواحد ينام الي المغرب من بعد تعب جامعه وبعدين يقوم المغرب وانتم واكثركم يعرف كيف تكون الاخلاق يعني واسمحولي زفت .. لكن ما اهضم حقها بعض لااحياان ما تقصر وتقووم تطبخ لي ..وانا بعد ما اقصر اساعدها في غسيل الصحون .. وبخصووص الايام الباقية تقولي مو احسن تجيبها من برى .. علما اني ما عمري قصرت علي البيت من اغراااض الثلاجه يالله ياربي لك الحمد مليانه
علي العموم وش تنصحوني فيه ؟؟؟ أبي ردووردكم
نسيت اقولكم حاجـه [ زوجتي تاكل حبووب منع الحمل الي هي ياسمين ] بتقولون وش دخل هالسالفه اسألو الحريم .. مو صح ان الحبوب تغير في المزاااج صح ولا لا
سؤالي .. هل تتوقعون اقدر اغيرها بعد طول هالسنه
غير كذا بتقولون ليش ما ضبطت الامور وهي في البداية يا ناس دووامي طويل وانواع القرف لما اطلع بس احتري ارتاح في البيت ماا ادري احس حووسه قسمن بالله احس يومي يروح كــذا وافكر فيها الاقيها عادي كل الناس يصير لهم كذا يعني يمكن ما يسوولفون مع بعض الا قليييييييييييييل
بس انا ابي نصايحكم .. الاساليب ان اخليها تكوي ملابسي .. تحب الطبخ هل كلمه ترى صرت ما احب الاكل من برى تنفع
بعض الاحيان اقول يمكن من قرف الجامعه
لكن لو تفكرون مافيه اولاد ؟؟ مافيه الا انا تلتزم فيني ... وش اسوي
انا ابغى نصااايح الشباب المتزوجين .. نصايح البنات الي تزوجو و كيف غيرو اطبااعهم ازواجهم
كل هدفي نصاايحكم .. وش احسن الاشياء
انا بصراحه تطرقت لها النقطتين لانها والاحظ انها من الأولوليات الهامه في الحياة الزوجية
طبعا انا ما أقول ان الزوجه مثل الخادمه لكن هي ما عندها الا زوجها
لكن ارجع و اقول افيدوني و جزاكم الله خير
عذراً تم تعديل العنوان ليتضح المضمون/الاشراف
التعديل الأخير تم بواسطة ماريا ; 01-11-2009 الساعة 10:50 PM