اقتباس:
المشاركة الأصلية كتبت بواسطة غايتي الرضا
ماطلبت انو احد يتدخل
لكن على طاري تجهيزات البيبي
هي رافضة حتى واجباتي من مصروف وتسديد للفواتير
فمابالك بالامور الاخرى
شيء محيرررر
وحام مع سوء أدب وسوء تصرف وإلقاء بعض الكلمات الإستفزازية وعدم تقديري كزوج
بنظرك ومن خلال مشاكلك مع زوجك تتوقعين تتحسن الامور وتعود المياه لمجاريها
وش نصيحتك الوافيه لانني في ازمة مع اخلاق زوجتي وعنادها مع انه ليس بيننا مشاكل كبيره تذكر
|
بصراحه صعبه زوجتك بالمرررررررررررررررررررررررررررررررررررررررررررررر ررررررررررره
وماتوصل لهذي الدرجه من الوحم ابدا
فرق بين قلة الادب وبين الوحم وبين الكره وبين الوحم
من الاخير زوجتك 99,99% مو راجعه
هذا اللي باين من تصرفاتها
لكن نرجع نقول سبحان الله يمكن انها حاله جديده من الوحم وجت براسك!!!!!!!!!!
واذا على مشكلتي مع زوجي فهي مختلفه تماما عنك ولا اقدر اقيسها بك انت وزوجتك العجيبه هذي
يمكن بس اقدر افيدك من ناحيه وحده.. هي ان زوجي هو اللي غلط علي..وهو اللي جا يتسامح وبذل كل مابوسعه عشان ارجع له (قعدت سنه ونص زعلانه عليه عند اهلي)ورجعت بعد ما تأكدت انه لن يعود ابدالما كان عليه
لكن
سمعتها من اخصائي نفسي او استشاري يجي في قناة ابو ظبي نسيت اسمه
ان الرجل البذيء لا يعاش معه
ولو كان انجح الرجال عمليا واجتماعيا
والله انه قالها حتى بقرف
قال اذا مايحترمك يا زوجته ولا يقدرك ولا يحشمك ولسانه بذيء لا تعيشين معه
وانا اقول لك المرأه البذيئه لا يعاش معها
اقتباس:
المشاركة الأصلية كتبت بواسطة dant!L ~}
لاحـول ولاقوة الا بالله !!
مو داخل تفكيري ان الي تسـويه زوجتك وحاااااااااااااام !!
فيـه شي !! واهلها يتسترون وهي معنـده ماعليها لا بأهلها ولافيـك !!
اقـولك شي !!
اعرس وانا اختــــــــــك ... وريح مخك
والي ببطن زوجتك مرده ومصيـره لك ! عاجلا ام اجلا ..
وخلها هي لين يطيح الي براسها .. وتـروق المدام وتذكر ان لها بيت وزوج !
وش هالحكي ! حشـا مبزره وربي ماحشمت هالرجال ! والي جايين .. وكبير العائله !
واخـوهـا الي فهمت انه اخس منها!!
اجل يردك ثاني مره لكبير العائله ومايهتم بالمووووضوع !!
الصـراحه ... وقسماب الله يااااااااااااااااااااااااااااااااااااااصبرك مااشاءالله ~
وربي لونك اخـوي لأخبطبلك من امس .. ولا اشـوف هالهم الي اشوفه .. بسالفتك ..
الله بحق هاليـوم الفضيل يفرجها عليك من اوسع ابـوابه ويرزقك بالزوجه الي تسـر قلبك وخاطرك وتبرد عليك دنيا وآخره ..
|
صراحه كلامك قوي وخاطري اقوله ولكن الشيخه حامل
يمكن سبحان الله حملها ووحمها ماقد مر ع البشريه
خلونا نصبر لبعد ما تولد
بأسبوع واحد ... والله لو هي حامل بفيل بتكون خفت بعد اسبوع
خلونا نصبر لبعد ماتولد بأسبوع ونحكم
عندي كم سؤال مهمين ياليت ترد عليهم
ليه ماخليت الحريم يتدخلون
مو كل القبيله .. امك واختك الكبيره او خالتك او عمتك
وحده منهم والحكيمه جدا منهم + امك
كم لكم مفترقين؟
كم باقي لها على ولادتها؟
هل بيتك يوسع زوجتين؟
هل ماديا مقتدر على زوجتين؟
لابد من اجابات ثم للحديث تتمه
صراحه انت ومظلوم الحب وولهااان
مدري وش مصبركم على بلاويكم
هذا وانا حرمه واقول هالكلام واعي تماما ما اقول..
لكن لابد من التروي قبل نحكم والله المستعان
واولا واخرا انت ادرى بظروفك
لكن رجاء رد على تساؤلاتي