الله يبارك لج اختي .. ويوفقج .. ويثبتج على طاعته ..

يا جماعة . . انا من قبيلة وعندنا عادات وتقاليد ان البنت تتنقب .. لكن انا ملكتعلى بنت قريبة لي .. وما طلبت تلبس النقاب قبل العرس .. خليتها هي اللي تختار بكيفها ..

لأن مثل ما نعرف .. الواقع يقول .. (( ان "بعض البنات" اذا ارادت تشرب شيشة تلبس نقاب علشان ما احد يعرفها .. بعض البنات عندنا بالكلية .. اذا ارادت والعياذ بالله تكون من صاحبات الشقق والمكالمات .. تلبس نقاب .. علشان ما تعرف .. الكثير من البنات اذا ارادت تتعرف على شباب وهي ليست جميلة .. تلبس النقاب وتحط الكحل .. وتتعرف بعدد هائل ))

هذي عينات موجودة ومحد ينكرها .. في المقابل .. فيه بنات فاضلات طاهرات يلبسون النقاب .. وفيه محجبات فقط وتلقاها يسوون 100 منقبة ..

المسألة مو مسألة لبس فقط .. الحجاب المطلوب اللي في القران .. هو روح الحجاب وليس لبس شكلي فقط .. فيه حجابات تستر وفيه حجابات تفتن .. وفيه نقابات تستر وفيه نقابات تفتن ..

المسألة نسبية ..

اختي .. الدين نظرته ليست في الجنس فقط .. حتى اذا نظر الواحد لوجه فتاة محجبة حجاب شرعي .. يفتن .. خلونا نرتقي بإنسانيتنا .. وما تكون المرأة عندنا جسد فقط .. واي شي يبين منه .. نجعله فتنة ويثير الشهوات .. هذا شي زرعته الثقافة السيئة في مجموعة كبيرة من الناس .. فلا يكتفي الا ان يرى البنت سواد في سواد فقط ..

المهم .. ( اذا كان محترم .. يصلي ويصوم .. ويبر والدينه .. ولا يزني .. ولا يسرق .. ولا يكذب .. ولا ينم ويغتاب .. ويعرف حقوق الله في اهله وبيته ) فالتزمي بحجابج لان مافيه نقاش .. وشاوريه في امر النقاب .. و ما اتفق مع الاخوان اللي يقولون انفصلي عنه .. لان الدين ليس شي واحد كما يجعلونه بعض الناس ..


مع التحية

__________________