شكرا جزيلا على الردود التي فعلا لم أكن أتوقعها بهذه السرعة وهذا الكم وهذه الخبرات
روح الطير : يمكن تكون محرجة بس على فكرة أهلها مابحرجوها بالعكس بشجعوها وانا دايما بقولها لاتنحرجي مني أنا الشخص الوحيد بالعالم اللي لازم ماتنحرجي منو انا زوجك وبالمستقبل كل اسرارك وكل حياتك رح تكون معي ولكن ! . . .
روعة المعنى : حاليا مافي زيارات لأني أنا مسافر للدراسة بس بالنسبة للاتصالات أنا صارلي 5أيام مااتصلت بس مسج واحد فقط ورح أشوف ... وطبعا مالي مفكر أتصل حاليا ورح أخبرك بالليل بصير .
متعبة : انا دايما لما كنت ازورها أو حتى على الهاتف بتكلم بمواضع متنوعة يعني مراعي هالناحية وكل شوي بفتحلها موضوع مختلف تمام عن الآخر يعني بالزيارة الواحدة يمكن احكيها 20 موضوع
بس المصيبة اني سألتها أكثر من مرة شو اهتمامتك شو بتحبي شو بتكرهي ماعندها فكرة ...
هي 16 سنة ... لا تقولوا صغيرة أبدا .. أخوي الصغير اللي عمره 9 سنين لما باتصل بحكي معو مابخلي سؤال الا بيسألني ياه عن دراستي وعن معيشتي وشو اكلت وكيف صحتك هذا ابن ال 9 سنين بيعرف شو يسأل .
غِــنــى : مو كلامي بمحله ؟ انتي قلتيها مو اكثر من 10 دقايق ... لا أنا متوازن بموضوع التقبيل وهكذا يعني براعي الظرف والحالة
لبنانية24 : طبعا الخجل بيلعب دور وانا لما بحكي معها ماعندي مشكلة انها خجولة فقط انما الجمود والملل من طرفها هذا ... لا يطاق
*كنج*السيوف* : شكرا على المساندة والله يصبرك لما حتجرب ...
سلطانة نفسها : لا أنا سألتها انو لو كانت مغصوبة أو من هالحكي أكثر من مرة قالت لا .. أصلا ماكنت واجهتك لو كنت مغصوبة .
the_unlucky_grl : عمرها 16 سنة وانا 24 انا طالب طب بشري وهي طالبة ثانوي
ايش بتحب و ايش بتكره؟ مابتعطيني جواب حاولت كثييييرررر بتقولي على كيفك ... شي بجنن كيف بتحب وبتكره على كيفي ؟؟
لو حكيتلها قصص مضحكة أو أي شي بتقولي ايه ويمكن تضحك يمكن لا ...
مع العلم أنو والدتها قالت لي ماتشوفها هيك مع خواتها بتمرزح وبتضحك وبتحكي بس طول بالك عليها شوي وهالكلام بكون على مسمعها وبقللها ليش بس مع خواتك بتقولي ما ... يعني المصيبة أني بسأل شي بتجواب بجواب مختلف عن صيغة السؤال
اقولها انا مفكر افسخ الخطبة! انا بقدر أقولها بس بقول حرام اكسر بمشاعرها حرام أظلمها وبسبب ذلك أنا عم أخذ استشارتكم مشان لو صار شي ما أكون ظلمتها
ملاحظة للجميع : أهلها من أول لحظة خطبة قالوا لي حبيناك كثير كلماتك وابتسامتك حلوة وأخلاقك , ودايما بيقولولي انت مثل ابننا .. وفعلا أنا لمست هالشي الاب والام بيعامولني معاملة ابنهم
فأنا مرحج وما أريد أظلم بنتهم وأتسرع بأي قرار
المتهندم : والله سألتها أكثر من مرة بس هيك عندها برووودة عاطفية أو يمكن عدم احساسها بالمسؤلية بجد مابعرف شو اقول. . . يعني كأني امامها مو زوج أو مابتعرف يمكن معنى الزوجية يعني أحيانا بتقول كلمات مستحيل ينقالوا للزوج
أنا كما قلت امها بتحاول معها يمكن تتغير للحظات وتعود كما كانت .
lordken : الله يعينك ويساعدك مشكلتنا وحدة
المسداني : عمرها كما اسلفت 16 سنة ... يمكن تكون بتخجل بس مو انها تتصرف بها الشكل
الله يصبرني مابيكفي أنا بغربة وبعيد عنها وعن أهلي ودراستي ولسه هي بتكل علي بالبرودة هذه وعدم الاحساس تجاه الزوج
الله يصبرنا وبس