والله يا خي إنت رجال طيب وأصلك طيب
والدليل إنك تفكر بالزواج حتى ترضي الله سبحانه وتبتعد عن الحرام
والله سبحانه هداك إنك تكتب مشكلتك هنا حتى تلقى مرشد للحل وبإذن الله بتلقى الحل
لكن حتى تستفيد من الحلول المطروحة حاول أولا مكمن الخلل اللي تحسه في نفسك
إنت قادر على الزواج وحتكون سعيد إن شاء الله مع زوجتك لكن تفاءل
وتأكد إن ما في أحد في هذه الدنيا ما عنده مشاكل حتى العزابية عندهم مشاكل سواء اجتماعية أو نفسية بس كثير منهم ما يعلمون بها أحد <<<< وأنا منهم
الزواج يا خي استقرار وسكن للبال وهذا اللي قاله الله سبحانه وهو أعلم فينا (خلق لكم من أنفسكم أزواجا لتسكنوا إليها وجعل بينكم مودة ورحمة)
الزواج مع طاعة الله سبحانه يصير جنتك في الدنيا وراحة للنفس
ومثل ما قلت لازم مشاكل سواء عزوبي أو متزوج لأن هذه هي الدنيا
لكن العزوبي مع العلاقات قبل الزواج صدقني ما راح يرتاح وإذا حس إنه مستانس فهذا مؤقت لأن الله غير راضي عن علاقاته (ولا متخذات أخدان)
ابدأ من الحين وانطلق
وأول شي تبدأ تغيره
هم الأصحاااااااااب (مع احترامي لك ولهم هم أساس المشكلة)
لأنك خايف يتكلمون عليك وإنت أصلا مو مضطر تعيش معاهم
هذه حياتك تعيشها مثل ما تبي ما دام تبغى رضى ربك وتسعى له
ما عليك منهم
وإذا تحس إنهم بيسلكون فيك طريق غير صحيح خذ قرار حازم واتركهم
وشف لك أصحاب طيبين وصالحين
أما الأصحاب السيئين فراح يضرونك بشكل أكبر مما تتصور
والشيء الأخير إنت مو مضطر تقعد مع زوجتك 24 ساعة ما دام عندك عمل أو دراسة
ما دام إنت وياها (((متفاهمين))) وكل واحد يقدّر الثاني ويقدّر ظروفه بتتفاهمون على هذه الأمور
وإنت قبل لا تتزوجها اتفق معاها على إنك مضطر تروح للعمل أو الدراسة أو أمور ضرورية
لكن بشرط حتى ترتاح وترضي ربك وترتاح في زواجك وحياتك كلها (سواء كنت عزوبي أو متزوج) اترك علاقات قبل الزواج
واحرص على رضى الله وبتحصل اللي يرضيك
(من ترك شيئا لله عوضه الله خير منه)
فاترك العلاقات هذه لله وبتحصل خير وأحسن وأفضل منها
وإن شاء الله بتدعي لي 
<<<<<اسكت
لكن خلك "صادق" مع ربك وبتشوف اللي يسعدك
الدنيا يا خي ما تسوى عند الله جناح بعوض وكلها أيام ونتركها واللي عند الله أحسن من اللي فيها ببلايين المرات (ما تقدر تتخيل اللي في الجنة ايش ولو شفته مرة ما تقدر تتركه)
لكن اللي عند الله يبيله طاعة و(((صبر)))
وحتى السعادة في الدنيا يبيلها طاعة وصبر
ولا تيأس
وكل ما طحت اصدق مع الله وتوب توبة صادقة واعزم إنك ما ترجع وتذكر إن الحياة قصيرة وراح تنتهي
والله يحب التوابين
اترك أي شي يذكرك بالماضي
أسأل الله لك السعادة في الدنيا والآخرة وأن يسعدك بطاعته
__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)
التعديل الأخير تم بواسطة المتهندم ; 26-10-2009 الساعة 11:58 AM